Ивана Кнез револтирана од коментари за тетовирани жени: „Според просечниот македонски мажјак таа е глупача, неработник и ку*ва“

Детали

понеделник, 12 јануари 2026

„Наместо тој мажјак да си поработи на сопствените тригери, трауми и неизлечени болести од детство, наместо да посети психолог, да се образува за да напредне во неговиот малечок живот, тој си дреме на апликации, си листа, си онанува на истите такви жени кои ги навредува во коментари и живее среќен и задоволен со мама и тато до крајот на животот убеден дека државата не чини, нема работа и сите жени се ку*ви пошто не ја прават сармата на мајка му“, пишува дизајнерката.

Модната дизајнерка Ивана Кнез важи за жена која никогаш не се плаши да го каже на глас тоа што го мисли.

Таа честопати зборува на теми поврзани со животот, со нејзината борба со депресијата, килограмите, предизвиците низ кои поминала низ годините.

Овој пат, Ивана на Инстаграм објави своја постара топлес фотка, на која е свртена со грб и покажа дека целата е истетовирана. На ова ја поттикнаа навредливи коментари на социјалните мрежи, а насочени кон жените што се тетовираат и кои, според неа, најчесто ги оставаат мажи.

Во објавата, Ивана пишува:

„Според просечниот македонски мажјак со просечно IQ од 81, жена што била тетовирана била глупача, неработник и се разбира ку*ва, бидејќи тоа е збор со кој просечниот мекедонски мажјак е задоен од раѓање.

И наместо тој мажјак да си поработи на сопствените тригери, трауми и неизлечени болести од детство, наместо да посети психолог, наместо да се образува со цел да напредне, нели, во неговиот малечок живот, тој си дреме на апликации, си листа, си онанува на истите такви жени кои ги навредува во коментари и живее среќен и задоволен со мама и тато до крајот на животот убеден дека државата не чини, нема работа и сите жени се ку*ви пошто не ја прават сармата на мајка му.

До сите вас нискоинтелигентни амеби, кои вредноста на луѓето ја мерите во нешто што и сами не го разбирате, што навредата ви е начин на живот проследена со фрустрации, гнев и нереализираност, за кои секако не сте ни свесни, што би рекле браќата Амери bite my tattooed behind (гризнете ми го тетовираниот задник) и мојот и на секоја една тетовирана жена на светов.

П.С. Сликата е стара, не се соблакам веќе во јавност, ама не бегам од тоа што сум и од минатото кое не ми ја дефинира сегашноста. Избери ментално здравје, најди си живот надвор од интернет!“

А. Ј. | Црнобело