Од инфаркт во сон почина Кили (58), сопругата за CRNOBELO вели: „Само убави работи памтам со него“

Детали

четврток, 12 март 2026

„Само убави работи памтам со него, почина во сон од инфаркт“, вели за CRNOBELO.com сопругата на легендарниот актер Кирил Поп Христов-Кили, кореографката Гордана Деан Поп Христова. 

Од инфаркт во сон вчера во Еквадор почина нашиот легендарен актер Кирил Поп Христов - Кили.

Актерот почина на 58 години.

Неговата сопруга кореографката Гордана Деан Поп Христова за CRNOBELO.com вели:

„Само убави работи памтам со него. Почина во сон од инфаркт“.

Кили живееше во Еквадор од 2014 година со сопругата и ќерката.

Иако често доаѓаше во Скопје, последната година не се вратил во земјава.

Кирил Поп Христов се прослави со улогите во филмовите „Панкот не е мртов“, „Бал-кан-кан“, „Тетовирање“, а глумеше и во претставите „Ослободување на Скопје“, „Ревизор“, „Народен пратеник“...

Роден е на 30 јули 1967 во Скопје.

Дипломирал на Универзитетот „Св. Кирил и Методиј“, на Факултетот за драмски уметности, на отсекот за актерска игра во класата на професорот Љубиша Георгиевски, во 1989 година.

Од 1993  до 2014  работеше во Македонскиот народен театар, по што се пресели во Еквадор.

Сопругата на Кили во една пригода за CRNOBELO зборуваше за нивниот живот на Еквадор - Гордана Деан Поп Христова за животот во Еквадор: „Еквадорците крај брегот уживаат во лулашки и ќе ви го поправат интернетот по 5 дена“

А. Ј. / С. С. | Црнобело