Параглајдер падна на шеталиште во Охрид – удри во улична светилка, дете и повозрасен пар „за влакно“ избегнаа повреда (видео)

Детали

понеделник, 27 април 2026

На видео споделено на Јутјуб каналот на Ohrid1.com се гледа како параглајдер, кој лета многу ниско, прво удира во улична светилка на шеталиште, пред да падне на само метар-два од повозрасен пар. За среќа, инцидентот поминал без повредени.

Викендов „за влакно“ беше избегната трагедија во Охрид, откако параглајдеристи паднаа на пешачка патека на која имаше и луѓе.

Видеото од страшниот настан го сподели охридскиот портал Ohrid1.com на нивниот Јутјуб канал, а инцидентот се случил на пешачката патека кај Студенчишта.

Како што пренесува порталот, со параглајдерот управувал параглајдерист кој вршел комерцијални летови со туристи.

На видеото се гледа како параглајдерот лета многу ниско над патеката, а жена и мало девојче исплашено се тргаат од патот.

Потоа параглајдерот удира во улична светилка и ја руши, пред двајцата парагјладеристи да паднат на земјата.

Тие паѓаат на само метар-два од повозрасен пар кој шета на патеката, но за среќа не удираат во нив и во инцидентот сите поминале без повреди.

На социјалните мрежи има реакции за инцидентот, а како што споделува Ohrid1, локалните жители сметаат дека треба да се преземе нешто за да се зголеми безбедноста кога се во прашање ваквите авантури.

Некои велат и дека треба да се промени местото на слетување на парагјладерите за во иднина да се избегнат вакви инциденти.

Погледнете го видеото:

Спирова С. | Црнобело

фото: depositphotos.com, Јутјуб - Ohrid1.com