Трогателни објави од македонската естрада по смртта на Владо Јаневски: „Шепни му на малиот горе дека нема веќе полско цвеќе“

Детали

понеделник, 29 јуни 2026

„Е тука си правевме планови, кај нас дома, во Чаир, на мојот 24-ти роденден. Ти ми кажа дека имаш хит песна за мене. И така бидна Мачо“, се присетува Ребека со стара фотографија од Владо Јаневски.

Игор Џамбазов, Каролина, Ребека – колегите и пријателите на единствениот Владо Јаневски со емотивни објави се збогуваат од пејачот.

Владо почина вчера (28.06) на 65-годишна возраст. Според досегашните информации, пејачот починал во скопска клиника по кратко боледување.

Социјалните мрежи се преплавени со пораки од неговите фанови, но и колегите и другите ѕвезди.

Емотивните објави на познатите:

Игор Џамбазов искрено му се заблагодари за сè што направил:

„Збогум Владо… Понекогаш зборовите не се доволни. А понекогаш се излишни.

Слава ти! И ти благодарам за сè што направи“.

Каролина Гочева сподели неколку фотографии со ценетиот колега.

„Владе мој, збогум со мојата најомилена песна од тебе… и никогаш нема да те заборавам…“

Вена Петрушевска ѝ остави емотивен коментар:

„На крајот ми стана сосема сеедно. Сфатив дека ништо на светот нема никакво значење. Луѓето живееја, се караа, се радуваа, страдаа, а мене сето тоа ми изгледаше бесмислено.

Постепено дојдов до уверување дека ништо не е важно и дека никогаш ништо нема да биде важно. Достоевски

Ова беше Владо низ целиот свој живот. Се пребројуваме изгледа“.

Таа сподели и објава на Инстаграм:

„Тогаш некоја темна, необјаснива сила ме извади од гробот. Не знаев кој или што е тоа. Не зборуваше, но јас го следев без отпор.

Патувавме низ бескрајниот космос. Ѕвездите светеа околу нас, а Земјата исчезна зад нас.

По долго патување, далеку во вселената, здогледав друга планета. Личеше на Земјата, но беше поубава, посветла и исполнета со мир.

Кога се доближив, видов луѓе.

Тие беа прекрасни.

Достоевски

Знам дека го сакаше… не знам што да кажам

ќе фалиш…“

На видеото пишува и:

„Шепни му на малиот горе дека нема веќе полско цвеќе. Ќе фалиш“.

Се огласи и Дарио:

„Јаневски мајсторе, толку многу години заедно на сцена и толку многу работи сме поминале заедно, што би можел книга да напишам.

Некогаш се сложувавме, понекогаш и не, но исклучително многу се почитувавме како блиски колеги.

Ти мене Панковски, јас тебе Јаневски, така си се обраќавме кога ќе се видевме, к'о бајаги официјално, а у ствари со многу скриена близина и топлина.

Ова беше пребрзо, шокантно, трагично и некако...нестварно.

Нека Ти е вечна слава мој Јаневски, многу ми е жал, многу...“

Продолжува на следната страница...