Перо Антиќ и Сања Ристиќ прославија годишнина од љубовта во Афитос: „З години со ова ѓаволче“

Детали

четврток, 23 јули 2026

„Среќна годишнина и уште многу заедно, моја љубов и светлина“, напиша Сања на фотографијата со Перо, што ја сподели на Инстаграм Стори. 

Сања Ристиќ и Перо Антиќ три години уживаат во својата љубов. Бројни патувања, дружење и со децата што ги имаат од првите бракови, романтични вечери...

А со романтична вечера, во ресторан на карпа, со прекрасен поглед на морето, тие ја прославија својата трета годишнина.

Парот е во Афитос, на Халкидики, од каде што и двајцата објавија фотки и открија дека слават јубилеј од врската.

„Среќна годишнина и уште многу заедно, моја љубов и светлина“, напиша Сања на фотографија на Инстаграм Стори.

И Перо објави фотка со порака „3 години со ова ѓаволче“ и стави емотикон срце.

Сања и Перо се запознале во кафуле каде што таа седела со другарките и зборувала за тоа дека веќе нема да ѝ се случи љубов, но тогаш дошол поранешниот кошаркар, само ѝ пружил рака и си заминал.

Иако и двајцата се градски ликови кои сите ги препознаваат, до пред средбата во кафулето, тие не се знаеле лично, откри Сања во интервју за CRNOBELO.com.

А. Ј. | Црнобело