Румба, самба, ча-ча-ча во првата емисија на „Танц со ѕвездите 2“

Детали

понеделник, 13 јануари 2014

Веќе започна емитувањето на натпреварувачките емисии на шоуто „Танц со ѕвездите 2“. Во саботата и неделата од 20:00 часот настапуваа по 5 танцови двојки кои внесоа вистинска свежина и позитивна енергија во етерот.

Наташа Мешковска и Роланд, Франц и Наде, Маријана Димовска и Боби, Мартин Јорданоски и Ивана, Стефан Лошковски и Симона настапија првата вечер и покажаа навистина атрактивни и весели кореографии кои беа скромно наградени од жирито.

Втората вечер, пак, настапија: Наташа Илиевска и Даниел, Сара Мејс и Мишо, Влатко Илиевски и Марина, Димитар Атанасовски и Јована, Александра Накова и Илија кои се покажаа во уште подобро светло со многу сексапилни движења и сензуална енергија.

Жирито со малку повисоки оценки од претходната вечер им даде мотив уште повеќе да работат на себе и да се подобруваат.

Со оглед на тоа што ова е прва емисија, а за секој танц имаат период од 5 дена во кој треба да го научат, очекувана и очигледна е вкочанетоста кај ѕвездите.

Но, според искуството од минатата година, се очекува до крајот да заблескаат во најдобро светло.

Погледнете дел од настапите и не заборавајте да гласате за вашите фаворити

Димитар и Јована

Стефан и Симона

Александра и Илија