Во Скопје може и без кола

Детали

среда, 26 ноември 2014

За тоа колку е загадено Скопје сведоци сме секојдневно. На секое излегување или отворање на прозорците. Скопје се гуши во чадот на автомобилите за кои сите улици и тротоари се веќе претесни.

Со автомобил се оди и до продавница и до кафуле кое се само на неколку километри и до кои може да се стигне пеш или со велосипед.

Сами си го загадуваме воздухот што го дишеме. Забораваме на себе и своите блиски секојпат кога влегуваме во автомобил за кратка релација.

Ние можеме да му помогнеме на Скопје полесно да дише, само ако се приклучиме на Критичната маса „На точак“ #31.

Младите активисти и ентузијасти порачуваат: „Исфилтрирај ги навиките! Не чади, диши со полни гради“.

Денес, 26.11.2014 од 17:30 часот на Плоштад Македонија се собира критичната маса и тргнува по својата рута за да ја пренесе пораката.

Сите на точак! Да му покажеме на Скопје, да си покажеме на себе дека сакаме почист град и незагаден воздух! Заборавете го автомобилот и придружете се на критичната маса!

• 
• 
• 
• 
• 
• 
• 
• 
• 
•