Посетете го “Глобално село“
АИЕСЕК Македонија, со цел да го афирмира македонскиот национален идентитет, нашата вековна историја и култура, организира Глобалното...
...село, на кое ќе го донесе дел од светот во Македонијa. Пошироката јавност ќе има можност да го слушне гласот на енергичната и неуморна младина, горда на своето потекло.
Делегатите од сите земји учеснички ќе престојуваат во нашата земја 6 дена. Со централниот настан - Глобално село, кој ќе се случува денес од 10:30 до 13:00 часот, Економскиот факултет - Скопје ќе биде местото на кое многу учесници од многу земји, ќе ја прикажат културата, традициите, храна и пијалоци се со цел подобро да ги презентираат земјите од каде што доаѓаат.
Учеството ќе биде навистина разнолико, со тоа што е потврдено присуство на делегати од земји како САД, Перу, Хрватска, Казакстан, Турција, Бугарија, Полска, Русија, Романија, Босна и Херцеговина, и многу други.
Програмата со слична содржина продолжува во Прилеп на 23 септември (среда), а потоа и во Охрид на 24 септември (четврток), каде што се наоѓаат останатите локални комитети на АИЕСЕК Македонија.
Парелелно со овој настан АИЕСЕК Македонија врши регрутација на нови членови. Сите заинтересирани студенти можат да ја посетат страната www.aiesecskopje.org.mk за подетални информации.
Погледнете како изгледаше Глобалното Село пред 2 години на плоштадот Македонија.