Бајковита свадба во Скопје со тема „мала Италија“, уникатни детали и олдтајмер со отворен покрив (фото)

Детали

четврток, 13 јули 2023

„Уште одамна знаевме дека ќе се заколнеме на вечна љубов, но до овој момент сакавме да искористиме што повеќе да шетаме и да го видиме светот и сега дојде мигот и ни се случи магија. Замислата беше интимна свадба, темата беше „мала Италија“, а се случи во скопска винарија“, споделува Никица Ацева Стојанов (26) за CRNOBELO.com.

Никица Ацева Стојанов (26) e дипломиран маркетинг-менаџер од Скопје и активно се занимава со блогерство 4 и пол години, а на нејзиниот профил опфаќа разни содржини меѓу кои, мода, животен стил, патувања и многу други.

Дамјан Стојанов (26) е дипломиран менаџер за односи со јавноста и меѓународен маркетинг менаџмент од Скопје, фотографијата му е прва љубов и хоби, со кое ја придружува сопругата во нејзината Инстаграм приказна.

Парoт веќе извесен период живее во Германија, а нивната љубовна врска неодамна беше крунисана со брак во Скопје.

Никица споделува детали за нивната бајковита свадба за CRNOBELO.com:

„Со Дамјан сме во врска 5 и пол години, од кои веќе 3 години живееме заедно.

Уште одамна знаевме дека ќе се заколнеме на вечна љубов, но до овој момент сакавме да искористиме што повеќе да шетаме и да го видиме светот. Оваа година беше дефинитивно наша!

Ме запроси на 12-ти септември претходната година, со тоа што првично било планирано на 10-ти, бидејќи тоа е нашиот датум, но времето ги променило плановите.

Нашите семејства беа „случајно“ дојдени кај нас на гости и тоа преубаво попладне ме изненадија во едно шармантно ќоше во стариот дел од градот во Германија кадешто живееме, со уличен музичар кој ја пееше нашата омилена песна, а потоа луѓето што глумеа публика одеднаш почнаа да играат салса и така се вклучивме во еден флеш моб и сè беше навистина магично.

Кога заврши музиката останаа само нашите емоции, тој ме праша дали ќе се омажам за него и јас најгласно му кажав „да“ на човекот од моите соништа.

На 10-ти март направивме претсвадбена фотосесија, пак тука во Германија. Сакавме да биде нешто уникатно, модерно, а сепак безвременско.

За тоа се погрижија фотографите Кокан Палашев и Крсте Шупев, односно „You and Me“ студио од Велес, кои ни ги исполнија сите очекувања.

Свадбата ја направивме во Скопје со одбран круг, нашите најблиски 90-тина гости.

Замислата беше интимна свадба, но со многу љубов и многу голема журка. Темата беше „мала Италија“, па затоа ги одбравме лозјата на Камник, како совршена слика за нашиот концепт.

Продолжува на следната страница...