Уште 3 дена за да освоите 2 билети и да одите со Даниел на Евровизија

Детали

петок, 17 април 2015

Уште од излегувањето на евровизиското видео за песната со која ќе се претстави Даниел, започна наградната игра за освојување билети за првата полуфинална вечер на Евровизија.

Oстануваат само уште 3 дена за да бидете еден од потенцијалните добитници.

„Секојдневно се редат нови цртежи! Изненаден сум од креативноста на фановите и од нивниот интерес! Остануваат уште три дена до крајот и одвај чекам да ги погледнам сите фотографии со крајот на приказната!“– изјави Даниел Кајмакоски.

Вкупно тројца фанови ќе добијат по две карти за првата полуфинална вечер на 19 мај, во Виена, ќе го бодрат во живо и ќе уживаат во заедничка средба со Даниел Кајмакоски на 20 мај!

Пред скоро 15 дена Даниел Кајмакоски, нашиот евровизиски претставник ги покани сите фанови да ја завршат приказната од официјалното видео за евровизиската песна „Autumn leaves” и да освојат билет за првото полуфинале.

Повикот се затвора за три дена, односно на 20 април 2015 (понеделник), точно на полноќ.

Погледнете го видеото и следете ги останатите чекори за учество:

Патувањето во Виена за првата полуфинална вечер ќе биде реализирано во соработка со официјалниот партнер – туристичката агенција New Ways of Travel.

Следете ги сите новости поврзани со Даниел и Евровизија преку официјалната веб страница наменета само за евровизиски вести.

Бидете брзи и креативни за да го поддржите Даниел Кајмакоски во живо, во Виена!