Интересни факти за прославата за Денот на независноста на САД во Скопје

Детали

петок, 30 јуни 2017

Прославата на Денот на независноста во Амбасадата на САД во Скопје, секоја година е настан на кој на едно место се собираат убави луѓе или елитата во државата.

Вчера, во дворот на амбасадата на САД, со прекрасен поглед на градот и Водно, се одбележа 241-та годишнина од независноста на Соединетите Американски Држави.

Темата на овогодинешната прослава беше „Градење мостови“ - амбасадорот Џес Бејли упати повик за градење на мостови меѓу заедниците, а земјите да ги надминат разликите и да го помогнат заедничкиот развој.

Во пријатно друштво, уживавме во музиката на Леа и Д Хаундс, а особено нè воодушеви прекрасниот глас на Канита Сума со изведбата на химната на САД.

Неизбежно и карактеристично за прославата на 4-ти јули секоја година е огнометот кој е препознатлив за овој настан.

За прв пат, споделуваме неколку интересни непознати факти за организацијата на прославата:

1. Подготовките за настанот секоја година започнуваат уште во месец јануари. Што значи, потребни се 6 месеци за да се организира прославата до перфекција.

2. Многумина се прашуваат како се стигнува до покана. Освен Владини претставници, политичари и дипломати, амбасадата на САД испраќа покани и до лидери на заедниците, членови на граѓанската и бизнис заедниците и останати соработници и пријатели за заедно да го прослават 4 јули.

3. За време на настанот синоќа беа послужени 2.500 мини хамбургери.

4. Најмногу гости до сега имало во 2011-та година – 3.302. Настанот во исто време бил и испраќање на тогашниот амбасадор Филип Рикер, по завршување на неговиот мандат во Скопје.

5. За прв пат прославата на Денот на независноста на Соединетите Американски Држави во Македонија се одржала во 1994 година. Оттогаш, овој настан станува традиција и се одржува секоја година.

6. За храната да биде на највисоко ниво, Амбасадата ангажира комитет за дегустација, годинава на чело со Г-ѓа. Capie Polk Baily. Во него членуваат дел од персоналот на Амбасадата - комбинација дел Американци, дел вработени од локалното население. Се организира дегустација на слепо каде комитетот ја оценува храната на секој од рестораните врз основа на вкусот и изгледот.

Ние си поминавме одлично, а сите гости имаат уште еден настан и спомени за паметење.