БЕСТ Скопје регрутира нови членови

Детали

понеделник, 14 октомври 2019

Замислете се себеси како посетувате нови места и запознавате нови луѓе и култури, како организирате неколкудневни настани заедно со тим кој е тука за вас и како сте опкружени со позитивна енергија и личности кои постојано ве мотивираат.

Доколку оваа замисла ве инспирира да започнете ново поглавје во вашиот живот и овие авантури сакате да станат дел од вашата приказна, сега е вистинскиот момент да го направите тој пресврт.

БЕСТ Скопје ве поканува на информативниот состанок за нови членови на 16.10.2019 (среда) во 20:00 часот во амфитеатарот на ФЕИТ/МФС.

БЕСТ е интернационална, непрофитна, неполитичка студентска организација која е застапена во 34 држави низ Европа, каде илјадници членови работат кон истата цел - развој на студенти.

БЕСТ Скопје неуморно работи веќе 18 години и им нуди шанса на студентите да се развијат, да стекнат нови вештини и да земат учество во организирање на: инженерскиот натпревар EBEC, саемот за вработување и кариера Job Fair, академски курсеви, мотивациски викенди, симпозиуми за образование и локални настани за образование.

Покрај овие сервиси и проекти, БЕСТ нуди средина во која секој може да го искаже своето мислење, да вложи труд во реализацијата на своите идеи, да стекне безброј пријателства, да доживее незаборавни моменти и пред сѐ да открие нешто ново за себе и да се надогради.

Дознајте повеќе за нас и за сѐ што нуди БЕСТ на информативниот состанок. Доколку не сте во можност да присуствувате, добредојдени сте и на нашите редовни состаноци кои се одржуваат во 20:00 часот секој вторник во предавална 110 на ФЕИТ. Ве очекуваме!

За повеќе информации посетете ги Фејсбук (facebook.com/bestskopje) и Инстаграм (instagram.com/bestskopje) страниците на БЕСТ Скопје.