Нова поволност за клиентите на Шпаркасе Банка Македонија и Охридска банка: Бесплатно повлекување готовина со дебитните картички од банкоматите во Шпаркасе Групацијата
Спонзорирано од:
Спонзорирано од ОгласиЗаРабота.мк
Возач 19-02-2020


Нова поволност за клиентите на Шпаркасе Банка Македонија и Охридска банка: Бесплатно повлекување готовина со дебитните картички од банкоматите во Шпаркасе Групацијата

Како резултат на проширувањето на Шпаркасе Групацијата во Република Северна Македонија, со почетокот на новата година е воведена и нова поволност за клиентите на Охридска банка и Шпаркасе Банка Македонија.

nova-povolnost-za-klientite-na-shparkase-banka-makedonija-i-ohridska-banka-01.jpg

Од 2 јануари 2020 година, клиентите на Охридска банка и Шпаркасе Банка Македонија можат да ја користат проширената мрежа на двете банки составена од околу 120 банкомати во Република Северна Македонија, на кои ќе можат да повлекуваат готовина без провизија со дебитните картички!

Шпаркасе и Ерсте Групацијата, која се состои од 49 штедни банки, е една од најсилните банкарски групации во Европа и со својата долгорочна стратешка ориентација кон регионот на Западен Балкан е доверлив партнер за клиентите во Република Северна Македонија. Клиентите на Охридска банка и Шпаркасе Банка Македонија можат БЕЗ ПРОВИЗИЈА да повлекуваат средства со дебитните картички од брендовите VISA и Mastercard и од банкоматите на банките во Шпаркасе и Ерсте Групацијата: Erste Bank and Sparkassen (Австрија), Ceska Sporitelna (Чешка), Slovenska Sporitelna (Словачка), Erste Bank Hungary incl. Postabank (Унгарија), Erste & Steiermarkische Bank dd (Хрватска), Erste Bank Serbia (Србија), Erste Bank AD Podgorica (Црна Гора), Banka Sparkasse dd (Словенија), Sparkasse Bank dd (Босна и Херцеговина), Banka Comerciala Romana (Романија).

Локациите на банкоматите на Охридска банка се достапни на следниот линк, додека пак локациите на банкоматите на Шпаркасе Банка Македонија се достапни на овој линк. Информацијата е достапна и преку апликациите за мобилно и електронско банкарство на двете банки.

Оваа новина е една од многуте поволности што ќе ги почувствуваат клиентите со окрупнувањето на австриската Шпаркасе Групација во Република Северна Македонија.