На гондола во Венеција, во шума: Запознајте го македонскиот Хаусер - дечко од Охрид свири на виолина на разни локации

Детали

четврток, 17 март 2022

И Македонија има свој заводник на виолина, како светски познатиот Хрват Стјепан Хаусер од 2 Cellos. Нашиот Петар е шармантен, талентиран и со неодолива насмевка. Од гондола во Венеција до катамаран во Охрид, тој изведува светски музички дела секогаш и секаде, а неговите видеа се хит на Инстаграм.

Петар Маркоски е дечко од Охрид, вљубеник во музиката, кој со себе секогаш и секаде ја носи својата виолина.

Снима забавни видеа на разни локации додека свири познати музички дела и неговите видеа се хит на Инстаграм. Се разбира, омилена локација за снимање му е покрај прекрасното Охридско Езеро.

Има илјадници следбеници и со право можеме да го наречеме македонскиот Стјепан Хаусер, хрватскиот заводник и некогашен член на 2 Cellos, кој е познат по забавните видеа со своето виолончело на разни светски дестинации.

Нашиот Петар досега има свирено на гондола во Венеција, на катамаран во Охрид, во шума и каде уште не. Од Хулио Инглесиас до Адел, тој ќе ве освои со изведбите. 

За CRNOBELO.com Петар вели:

„Изминатите две години беа тешки за сите нас, па и јас како и сите други барав начин како креативно да го искористам слободното време. Социјалните мрежи ни даваат доволно простор да бидеш иновативен, креативен и да се забавуваш. Многу врвни музичари почнаа да снимаат видеа од дома на локации со што на публиката им презентираат нешто убаво и за очи и за душа.

Едни од артистите кои секако ги пратам се Хаусер и Лука (2 Cellos), Италијанката Benedetta Caretta, познатиот саксофонист Daniele Vitale кој направи бум со „Bella Ciao“ за време кога Италија беше под карантин и многу други артисти, кои ми дадоа мотив и јас да се приклучам на тој светски тренд.

За многу краток период успеав да стигнам до огромен број прегледи и до многу следбеници, 108.000 следбеници на мојот Фејсбук профил и 30.000 на мојот Инстаграм профил, каде секојдневно добивам прекрасни пораки од луѓе ширум светот и многу понуди за настапи.

Музиката е дар од Бога и само таа има моќ да нè обедини сите.“

Неговите видеа се мелем за уши и душа:

Повеќе видеа на следната страна...