Бајковита свадба на пар од Македонија во Ватикан, со благослов од Папата Франциск – први на Балканот (фото)
За CRNOBELO.com Ива и Антонио споделуваат детали за својата свадба:
„Сакавме да направиме поинаква венчавка. Како туристичка дестинација Рим отсекогаш ни бил една од најубавите и најромантичните дестинации на светот, па затоа решивме да биде токму таму, поточно во базиликата Свети Петар во Ватикан.
Самата процедура на организација, како и за секоја свадба, беше тешка, но кога станува збор за Ватикан сè е уште потешко затоа што има посебен протокол и правила.
Обезбедувањето на целокупната документација за да се одржи самата венчавка беше најтешкиот дел, но затоа со помош на нашиот свештеник Дон Давид сè се изреализира како што беше планирано.
Дон Давид потекнува од Еквадор, но веќе извесен период е на мисија во Македонија. Одлично говори и македонски и италијански јазик, па навистина сме му благодарни за целиот вложен труд да ја истера организацијата до крај.
Протоколот за влез во Ватикан беше многу строг. Имавме однапред испратено листа на гости, кои ќе присуствуваат на свечената церемонија.
Откако Ватикан го одобри списокот, ни дадоа специјални ВИП пропусници за посебен влез, каде што нема туристи. Оттаму можевме да пристапиме директно во базиликата и со тие пропусници можевме да ја поминеме италијанската полиција и швајцарската гарда.
Црковната церемонија беше прекрасна и бевме воодушевени од величествениот пречек со арија на оперска пејачка и оргули.
Базиликата Свети Петар секогаш е полна со верници и туристи кои и за време на нашата венчавка ракоплескаа, извикуваа честитки и нè фотографираа.
Кога има свадбена церемонија, се затвораат портите на капелата што е само за венчавки во самата Базилика, но имаше и момент кога група на туристи сакаа да влезат да присуствуваат на венчавката. Сепак, полицијата им забрани и ја затвори железната ограда да нема влез и излез додека е венчавката.
Продолжува на следната страна...
Би можело да ве интересира:
Препорачуваме
Најчитани неделава
