Игор од Прилеп ја запроси саканата Елена на магична локација покрај езерото Комо во Италија (фото)

Детали

понеделник, 06 април 2026

Игор Јанкоски од Прилеп, информатички инженер, ја запроси саканата Елена Ангелеска, електро инженер, по 4 години врска, на патување во Италија. „Беше во магичната атмосфера на Villa del Balbianello“, велат тие за CRNOBELO.com.

Игор Јанкоски (31) од Прилеп, дипломиран информатички инженер и Елена Ангелеска (25) од Прилеп, дипломиран електро инженер беа на патување во Италија, каде Игор на магична локација ја запроси саканата Елена.

Игор и Елена за CRNOBELO.com споделуваат:

„По скоро четири години исполнети со љубов, доверба и безброј заеднички моменти, го направивме следниот чекор кон нашата заедничка иднина.

Во магичната атмосфера на Villa del Balbianello, светски позната локација што се појавува и во култни филмови, ја крунисавме нашата врска со судбоносното „да“.

Овој незаборавен момент, кој се случи на магично место, меѓу елеганцијата на езерото Комо и романтиката на историската вила, претставува почеток на ново поглавје за нас.

Патувањето продолжува во Швајцарија, каде што нашата приказна ќе се надградува со нови доживувања, спомени и заеднички соништа“.

Повеќе фотографии на следната страница...