„Близнаци, колку си одговарате“ - Јелена Спенџарска вљубена на новата фотка со дечкото од Грција

Детали

петок, 20 јануари 2023

„И јас имам слушнато дека кога мажот и жената се физички доста компатибилни, се родени еден за друг. Нема да ви се верува колку вакви пораки добивам и мнооогу сум среќна“, вели Јелена Спенџарска на коментарите дека многу си личат со дечкото од Грција.

Јелена Спенџарска периодов постојано е на релација Скопје – Солун, откако се вљуби во дечко од Грција.

Таа постојано споделува детали од нивните заеднички мигови, па покрај празничните моменти и сончевите прошетки во Солун, парот дел од времето минува и во Скопје.

Фотка од Солун

На фотографија на Инстаграм Стори каде Јелена и саканиот позираат заедно, таа откри дека добила низа коментари колку многу си личат и дека изгледаат како да се сродни души.

Дел од коментарите се: „Колку си одговарате“, „Близнаци“, „Како е можно толку да сте исти“...

Фотографијата за која ги доби коментарите:

На коментарите Јелена вели:

„И јас имам слушнато од времето дека кога мажот и жената се физички доста компатибилни, се родени еден за друг. Нема да ви се верува колку вакви пораки добивам и мнооогу сум среќна.“

Вљубената Јелена на почетокот од годината сподели и објава со која сака да ги мотивира сите да живеат најдобар живот што е можно.

Нејзината објава на прагот од 2023-та, а посветена на 2022 гласи:

„Многу е интересно како со тек на време луѓето стануваат роботи. Одиш на работа, се враќаш дома, нешто правиш ако стигнеш, легнуваш да спиеш. Па, се прашуваш, на што се сведува твојот живот и зашто немаш доволно храброст да ги промениш работите, зашто е најлесно да седиме по кафиња, да зборуваме колку ништо не функционира и си тераме пак по старо?

Некаде прочитав , доколку заглавите во досаден и несреќен живот само затоа што сте ја слушале мајка ви, татко ви, учителите, пријателите или некој лик од телевизија, тогаш го ЗАСЛУЖУВАТЕ!

Промената не е секогаш пријатна, но ќе ве однесе на магични места доколку почнете да верувате повеќе во себе и престанете да се гледате преку очите на другите луѓе. Ова, лично мене ми беше најтешкиот предизвик оваа година. И конечно СФАТИВ дека луѓето кои живеат во тегла мислат дека капачето е небо.

Не им давајте значење на стравовите и ќе видите колку лесно ќе ги победите. Се ова што го живеам денес е слика на мојата верба.

Сè што посакав - добив!

И реално, имав една од најдобрите години во мојот живот. Година на сериозни промени, години на сериозни манифестации, конечно почнав да ги берам плодовите од семето кое го сеев во минатите... и некако сè си дојде едно по друго... и сè си се намести толку добро...

Едноставно сум возбудена за секој нов ден и за сè што ќе се случи во следните 365 дена.

Јас често ви кажувам дека НЕ е НЕВОЗМОЖНО да имате живот каков што само си замислувате и се надевам дека конечно ќе го сфатите тоа.

Небитно од каде доаѓате, како живеете, што работите, што и колку имате... можете сè!

Ви посакувам од срце една наааајсреќна година досега.“

С. С. | Црнобело