„Sex and the City“ во 2018: Кои работи ќе беа поинакви ако серијата се снимаше 20 години подоцна?

Делумно шеговито, делумно реално... Каков начин на живот ќе водеа Кери Бредшо, Саманта, Шарлот и Миранда во 2018 година?

Серијата „Sex and the City“ пристигна на ТВ екраните пред точно 20 години и оттогаш како да остана на нив. Епизодите со 4-те пријателки постојано се репризираат на разни канали.

Серијата во чие средиште беа машко – женските односи се снимаше од 1998 до 2004 година.

Но, што ќе беше ако се снимаше денес? Како ќе изгледаа ликовите ако „живееја“ во 2018 година?

Работи кои ќе беа поинакви:

Тешко дека Бергер ќе ѝ раскинеше на Кери преку напишана белешка затоа што денес доминира електронската комуникација.

Саманта ќе беше нарекувана „пансексуалка“, термин поширок од бисексуалка, посочува на човек кој има секс со сите без разлика дали тој е машко, женско, транссексуалец итн.

Шарлот ќе имаше само една свадба, односно ќе останеше мажена со Треј за да го задржи богатството и никогаш немаше да се вљуби во Хари. Спонзорушите доминираат.

Врската на Кери и Ејдан во модерниот свет немаше да успее затоа што таа ќе беше модна инфлуенсерка на социјалните мрежи, а на традиционалниот Ејдан ќе му здодееше да биде нејзиното Инстаграм момче.

Пронаоѓањето на вибраторот на Миранда од страна на нејзината помошничка немаше да биде табу и ќе отвореше дебата за важноста на сексуалното самозадоволување на жените.

С. С. | Црнобело