Викенд резервиран за хорор филмови – најдоброто од 2018 година

The First Purge

Со цел да ја намалат стапката на криминалот под 1% на годишно ниво, „Новите основачи на Америка“ спроведуваат социолошки тест каде што криминалот и агресијата се дозволени во текот на една ноќ во изолирана заедница.

The Little Stranger

Д-р Фаредеј е почитуван селски доктор кој е повикан на помош во огромна стара куќа, каде што претходно работела неговата мајка како слугинка. Наскоро започнуваат да се откриваат необичните ситуации во кои се вплеткани жителите на домот, ситуации кои се опасни по нивниот живот.

The Cloverfield Paradox

Орбитирајќи над планетата Земја и на работ на катастрофална енергетска војна, група научници тестираат опасен уред кој може да овозможи пристап до неограничена енергија, но истовремено постои ризик од застрашувачки парадокс кој може да ги соочи со мрачна, алтернативна реалност.

A Quiet Place

Можеби најдобриот хорор за 2018 година е токму „Тивкото место“ - каде што во пост-апокалиптичен свет семејство е принудено да живее во целосна тишина со цел да се скрие од чудовиштата кои имаат изострено сетило за слух и претставуваат закана за нивните животи.

Halloween

Скоро 40 години подоцна, Лори Строуд ќе го доживее конечното соочување со Мајкл Маерс, серискиот убиец кој ја прогонува на еден единствен ден од годината, Ноќта на вештерките.

(О)Милена | Црнобело