Викенд резервиран за хорор филмови – најдоброто од 2018 година

Октомври несомнено нè асоцира на култниот хорор филм Halloween. „Ноќта на вештерките“ повторно се враќа со премиера на 19-ти месецов, со Џејми Ли Кертис во главната улога.

Додека со нетрпение го очекуваме најновиот дел од сагата со серискиот убиец Мајкл Маерс, погледнете ги најдобрите хорор филмови од 2018 година:

Insidious: The Last Key

Елис е брилијантен психолог која проучува паранормални активности. Таа добива морничав повик од човек којшто тврди дека неговата куќа е опседната. По адресата, открива дека тоа е истата куќа каде што таа го поминала своето детство.

Winchester

Сара Винчестер е богатата наследничка на Винчестер фамилијата – основачите на познатата компанија за огнено оружје. Таа гради монструозно архитектонско здание на само 50 милји од Сан Франциско и тврди дека нејзиниот дом е прогонуван од духови убиени од оружјата произведени во нивната семејна фабрика.

The Nun

Млад свештеник со мрачно минато е пратен директно од Ватикан да ја истражи смртта на калуѓерка во Романија. Заедно со неговата помошничка полека почнуваат да ја разоткриваат демонската тајната зад злосторството.

Hereditary

Најстариот член на семејството Греам, бабата починува. Нејзината ќерка и внуците почнуваат да откриваат мрачни тајни поврзани со историјата на семејството и злокобната судбина која им е предодредена.

Unsane

Соер Валентини се сели од Бостон во Пенсилванија со цел да избега од човекот кој ја прогонува последните 2 години. Во консултација со нејзиниот терапевт, таа неволно се согласува да помине 24 часа под надзор во психијатриска институција каде што почнува да се прашува – што е реалност, а што фантазија?

Продолжува на следната страна...