Синема Футура заврши со снимање на краткиот филм "Налепница"

Продуцентската куќа Cinema Futura заврши со снимањето на краткометражниот игран филм “Налепница” по сценарио и режија на Георги М. Унковски.

Се работи за црна комедија во која главниот лик по неуспешниот обид да ја обнови својата сообраќајна дозвола тргнува на пат и запаѓа во серија на проблеми. 

Филмот се снимаше 6 дена на повеќе локации во Скопје. Главната улога ја игра Сашко Коцев, а во филмот настапуваат и Мони Дамевски, Џевдет Јашари, Љупчо Тодоровски – Упа, Соња Стамболџиоска и Димитрија Доксевски. Директор на фотографија е Наум Доксевски,  сценографијата ја изработи Кирил Спасевски, костимите Розa Трајческа а маската и шминката за гланиот лик Снежана Ангеловска и Ирена Сенокозолиоска.

Филмот се очекува својата премиера да ја има во првата половина на 2019. Проектот е поддржан и финансиран од агенцијата за филм на Република Македонија.