Кој всушност беше главниот лик во „Friends“?

Иако сите сакаме да веруваме дека сите шестмина беа главни ликови во серијата, науката покажува дека фокусот, всушност, бил само врз една личност.

Шоуто, иако одамна завршено, секој ден има нови и нови фанови, а оние постоечките ја гледаат целата серија повторно, потсетувајќи се на омилените епизоди.

Но, дали некогаш би помислиле дека само еден од нив беше главен лик? Компјутерските науки можат да го докажат и тоа.

Јашу Сет се занимава со компјутерски науки и на својот блог објавил детална анализа на транскриптите од секоја епизода, направена со помош на алгоритми, врз основа на кои открива кој е главен лик во „Friends“.

Со помош на анализата открил дека Рејчел и Рос имаат по околу 9000 реплики, а фиби има најмалку од сите, 7400. Рос и Рејчел исто така имаат најдолги реплики, но во бројот на сцени лидер е Чендлер. Него го има во 1400 сцени, додека Рејчел и Рос во 1370, односно 1330 сцени.

Но, затоа пак, според Рејчел има најмногу наслови на епизоди, додека Моника е спомната само 8 пати во наслови.

Сепак, ѕвезда на ова шоу е Рос, според тоа колку пати се спомнува неговото име во наслов на епизода, колку реплики имал и во колку сцени се појавува, комбинирано.

Би го гледале шоуто пак, знаејќи дека целото е посветено на Рос?

Е. Д. | Црнобело