Филмови кои треба да ги изгледате пред Оскарите во 2019 година

A Star Is Born

Филмот кој не е „сечија шолја чај“, адаптација на оној со Барбара Стрејсенд и Крис Кристоферсон од 1976 година, е во режија на Бредли Купер, кој ја толкува и главната улога на рок ѕвезда чија кариера е во пад. Во неговата верзија тој ја одбра Лејди Гага како неговата муза и ѕвездата во подем.

https://www.youtube.com/watch?v=nSbzyEJ8×9E

BlacKkKlansman

Со шарм сосема типичен за режисерот Спајк Ли, филмот е работен според вистинската приказна на Рон Сталворт, афро-американски полицаец кој ќе успее да се инфилтрира во редовите на Кју Клукс Кланот со помошта на неговиот колега.

The Wife

Глен Клоуз ја носи номинацијата за „Најдобра женска улога“ за драмата „The Wife“. Таа започнува да ги испитува сите свои животни избори и одлуки додека оди кон Стокхолм со нејзиниот сопруг, добитник на Нобеловата награда за литература.

Green Book

Тони Лип, човек со италијанско потекло кој работи како обезбедувач му станува личен возач на талентиран афро-американски пијанист за време на неговата турнеја во текот на ’60-тите години во јужниот дел на Америка.

Can You Ever Forgive Me?

Ли Израел е популарна писателка на автобиографии, потпишувајќи ги зад себе животните стории на Кетрин Хепберн и Есте Лодер. Кога ќе го изгуби чувството за пишување за кое бараат да биде во чекор со светските трендови, таа добива оригинална и неочекувана идеја како да ја продолжи кариерата.

(О)Милена | Црнобело