10 возбудливи филмови со вештачка интелигенција што со задоволство ќе ги изгледате

Доколку сте љубител на роботи, андроиди, киборзи, или подобро кажано научно-фантастични филмови кои вклучуваат вештачка интелигенција, ја имаме вистинската листа за вас.

Изборот вклучува и постари филмови, од кои три датираат од 1999 година, која очигледно се покажала одлична за овој жанр.

Доколку сте љубители на филмови со роботи, односно вештачка интелигенција тогаш со задоволство ќе ги изгледате следните 10:

I Am Mother (2019)

Специјално дизајниран робот се грижи за мало девојче уште од нејзиното раѓање. Нивната задача е повторно да ја населат Земјата со луѓе. Но, кога ненадејно се појавува натрапник пред нивниот дом, мисијата започнува да се заплеткува.

The Matrix (1999)

Апсолутен класик меѓу научно-фантастичните филмови со вештачка интелигенција. Што доколку реалноста која ја живеете е само илузија? Ова е прашањето кое го мачи Нео и тој наскоро ќе ја дознае вистината…

Ex Machina (2014)

Кејлеб добива неверојатна можност да го посети имотот на неговиот брилијантен директор. Во изолираниот дом тој ќе ја запознае Ева, неверојатно прекрасен робот што покажува тенденција за човечки способности, како свесност.

A.I. Artificial Intelligence (2001)

Дејвид е првото момче-робот кое е програмирано да сака. Откако ќе биде посвоен од страна на едно семејство, неговиот живот започнува да се комплицира. Тој не припаѓа никаде, ниту кај роботите, ниту кај вистинските деца… Дејвид тргнува во потрага по неговото место во светот.

I, Robot (2004)

Годината е 2035, кога секој дом има сопствен робот кој помага во извршувањето на задачите. Дел Спунер е детектив кој има лошо искуство со роботите и нема доверба во нив. Тој ќе биде назначен да го истражи убиството на еден од креаторите на овие роботи…

Продолжува на следната страна...