Филмови и серии со антихерои и негативци кои потајно ги обожаваме

Сосема јасно е зошто ги обожаваме хероите во филмовите и сериите. Но особено интересно е кога најмногу сочувствуваме и го разбираме негативецот на филмското платно.

Ги имате нашите 10 предлози на филмови и серии со едни од најдобрите негативци на сите времиња. Кој е вашиот омилен?

YOU – Џо Голдберг

Запознајте го Џо Голдберг, шармантен сопственик на мала книжарница во Њујорк. Тој е премногу добар за да биде вистинит. Во потрага е по љубов, а доволно е да фрли само еден поглед на девојката која влегува во неговата книжарница.

Гвиневир Бек станува неговата опсесија. Серијата има 2 завршени сезони, а се очекува и трета.

Maleficent: Mistress of Evil – Малефисент

Во новото продолжение, принцезата Аурора се подготвува да стапи во брак со принцот Филип. Сепак, неговата мајка, кралицата Ингрис има поинакви планови за нив и кралството.

Fleabag – Флибег

Девојката која има необично име се соочува со многу проблеми. Нејзината најдобра другарка е мртва, а кафулето кое го отвориле заеднички пропаѓа. Љубовниот живот ѝ е вистинска катастрофа, но во најголема опасност е нејзиното ментално здравје.

Sherlock – Мориарти

Авантурите на Шерлок Холмс и Џон Вотсон во најуспешната екранизирана, модерна верзија на класикот на Сер Артур К. Дојл. Зарем може да замислите посовршен и пошармантен негативец од Мориарти?

X-Men – Магнито

Најдобро е да започнете со трилогијата од 2000 година, пред да започнат другите алтернативни реалности на мутантите. Сер Иан МекКелен е најдоброто олицетворение на негативецот Магнито кој сите потајно го обожаваме.

Продолжува на следната страна…