„Простор за поддршка“ во Кочани: Психолози и психотерапевти нудат бесплатна помош преку групни работилници за справување со загубата

Детали

понеделник, 28 април 2025

Те боли, ама не знаеш што да кажеш? Не си сам/а.

По она што се случи во Кочани, многу млади се чувствуваат изгубено. Страв, тага, лутина, празнина – и чувство дека никој не разбира.

Затоа, ова не е обично предавање или совети „како да се справиш“.

Ова е простор за вас – заеднички, тивко или гласно, со други што се чувствуваат слично.

Од 10 мај, секоја сабота, ќе се одржуваат групни разговори и работилници за млади (14–25 години). Ќе има простор за разговор, стабилизација, поддршка, справување со емоции – со психолози кои знаат да слушаат.

Не мораш да зборуваш веднаш. Не мораш да објасниш сè. Дојди, само бидете таму.

Групата ќе го направи останатото.

Контакт за пријава или дополнителни информации:

📞 078 313 306

Целосно бесплатно. Доверливо.

Реализацијата на проектот е овозможена од dm Македонија во соработка со стручниот тим на Психолошкиот Центар Алтернатива – Групација Алтернатива.