Свечено отворен NABIZI RETAIL PARK - Новата дестинација за шопинг и забава во Струга и регионот

Детали

петок, 23 мај 2025

Струга, 23 мај 2025 – Во свечена атмосфера и во присуство на бројни гости, соработници, партнери, закупци и пријатели вчеравечер официјално беше отворен NABIZI RETAIL PARK, новата современа дестинација за шопинг, гастрономија и забава, која значајно ќе го збогати трговскиот и урбаниот живот на градот и регионот.

 

Изграден според најсовремените стандарди, Nabizi Retail Park претставува модерен концепт кој обединува 85.000 м² површина, 1000 паркинг места и 40.000 м² деловен и логистички простор, со што станува најголемиот retail park во земјата.

Во Nabizi Retail Park ќе функционираат најдобрите интернационални и домашни брендови како: SUPER KIT-GO, JYSK, NEPTUN, NEW YORKER, LC WAIKIKI, SINSAY, INTERSPORT, SPORT M, TUDORS, TOP SHOP, METRO, OFFICE PLUS, SCHÄTZE, DUKI DASO, MY TIME, SARA FASHION, KOM, VIA FARM, GETALDUS, MAKEDONIJA OSIGURUVANJE, ENSAR GOLD, ATELIER ARTBAL EXCHANGE, како и PROCREDIT BANK и KOMERCIJALNA BANKA, кои ќе нудат услуги 24/7.

Покрај големиот број продавници и брендови, комплексот опфаќа и: бензинска пумпа со мини маркет, coffee shop KAHVE DIYARI, ресторани за брза храна KFC и KING со услуги Drive Thru и Delivery, најголемата детска игротека во регионот – KIDS ZONE со 2500 м², snack food ресторан и простории за роденденски прослави, како и современ хотел со 63 соби и rooftop ресторан.

Денес чувствувам голема благодарност и гордост. Она што започна како мал семеен бизнис пред 42 години, денес прерасна во нешто што не го гледаме само како инвестиција, туку како наш придонес за Струга и регионот. Голема благодарност и до вработените, партнерите,  нашето семејство, како и државните институции и локалната самоупртава. Nabizi Retail Park е наш заеднички успех. Изјави - Камбер Бизати, сопственикот на компанијата Nabizi.

За нас, ова не е само ретаил парк – ова е остварен сон, изграден со многу работа, истрајност и љубов кон нашиот град. Искрено благодарам на секој кој беше дел од ова патување – од идеја до реализација. Благодарност до нашите тимови, до локалната заедница и до сите вас што денес сте тука со нас. Ова е само почеток – и веруваме дека најдоброто допрва доаѓа. Изјави - Насуф Бизати, сопственикот на компанијата Nabizi.

Продажните места официјално започнуваат со работа од денес, петок, 23 мај, кога посетителите ќе можат да уживаат во богатата понуда на повеќе од 30 национални и меѓународни брендови.

Во наредните денови се планирани низа активности, попусти и изненадувања за сите посетители, со цел NABIZI RETAIL PARK да се претвори во омиленото место за целото семејство.

Компанијата NABIZI има 42-годишна традиција, започнувајќи уште во 1983 година со слаткарница, а денес е водечки бренд во малопродажба и големопродажба на производи за градба, ентериер, екстериер, домаќинство и техника. Покрај трговијата, компанијата успешно работи и во градежништво, транспорт и логистика, со постојана ориентација кон иновации, одржливост и инвестирање во човечки ресурси.

Со имплементирани ERP и WMS системи, фотоволтаични централи за зелена енергија и модерна деловна стратегија, Nabizi бележи континуиран раст и успех.

Со отворањето на Nabizi Retail Park, Струга и целиот регион добиваат современ трговски и забавен центар со сеопфатна понуда за сите генерации.

NABIZI RETAIL PARK – СÈ НА ЕДНО МЕСТО!