Нови лица на вештачката интелигенција доаѓаат на AI.Weekend во Ровињ

Детали

среда, 27 август 2025

Загреб, 25 август 2025 – AI.Weekend се враќа во Ровињ и ги обединува најважните експерти, иноватори и лидери во областа на вештачката интелигенција.

Ова издание е фокусирано на практичната примена на AI во реални бизнис и технолошки околини, од роботика и финансии, до медиуми и дигитална трансформација. Од 18 до 21 септември, учесниците ќе имаат можност да слушнат како AI денес ги обликува индустриите, наместо шпекулации за неговата иднина.

„Нашата цел е да покажеме како AI функционира надвор од експерименталните фази и отворено да разговараме за предизвиците и успесите кои доаѓаат со неговата имплементација во различни сектори. Сакаме на учесниците да им пренесеме конкретни искуства, најдобри практики и лекции кои се научени низ реални проекти. AI.Weekend претставува можност за поврзување на експерти за заедно да ја истражиме иднината која веќе се случува“, истакна програмскиот директор на AI.Weekend, Никола Павешиќ, искусен советник и познавач на регионалната стартап и технолошка сцена.

Практични AI искуства и иновации во деловно опкружување

Со повеќе од 20 години искуство во AI, Валентина Задрија развива производи за роботика во логистика и транспорт, од PoC фаза до имплементација во реални постројки, а моментално е Tech Lead во Yaak GmbH. На сцената на AI.Weekend ќе ѝ се придружи и основачот на Mediartem AI и поранешен експерт од Google, Филип Мацукиќ, кој ќе се фокусира на интеграција на генеративната AI технологија преку развој на креативни и етички решенија. Како технологијата може да се примени во реално деловно опкружување за глобално влијание ќе открие Стјепан Зелиќ, извршен директор на Hypefy.ai, AI агент кој им овозможува на брендовите да креираат кампањи за инфлуенсер маркетинг од само една реченица. Во Ровињ доаѓа и Даниел Јевремовиќ, директор во Lazard. Со силно искуство во советување на технолошки компании, Даниел им помага на фирмите во стратешки трансакции, вклучувајќи M&A и приватни инвестиции. Пред Lazard работел во Barclays, каде учествувал во бројни технолошки трансакции во Силиконската долина, што му дава единствена перспектива на спојот меѓу финансии, технологија и иновации.

Другата, финансиска страна на AI приказната ја носи Матеј Кухар, раководител на одделот за податочна наука во Aircash. Кухар го комбинира искуството од астрофизика и финансии за да го подобри надзорот на трансакциите и персонализацијата на корисничките услуги, а ќе зборува за алгоритамски системи кои ги менуваат финансиските трансакции, односите со корисниците и регулативата. Уна Софтиќ, извршна и стратешка директорка на Intertangible, советува глобални компании за примена на најновите технологии, вклучувајќи AI, XR и финтек и раководи иновациски проекти во меѓународен контекст. Нивните искуства ја покриваат имплементацијата на конкретни решенија, но и стратешкото обликување на иднината на технологијата.

Иднината на AI во пракса

Вештачката интелигенција повеќе не е само тема за теоретски дискусии – таа ги обликува реалните деловни процеси, креативни индустрии и секојдневни технологии. Второто издание на AI.Weekend ветува богат програм и единствени увиди во примената на вештачката интелигенција во различни индустрии. Повеќе информации за програмата, говорниците и сите дополнителни активности на овогодинешниот фестивал се достапни на официјалната веб-страница, како и на LinkedIn, Instagram и Facebook профилите.