Рекорди урнати, импресии неизбришливи – Weekend.18 ги надмина сите очекувања

Детали

понеделник, 22 септември 2025

7.000 луѓе сведочеа на иднината на медиумите, комуникацијата, бизнисот и технологијата

Ровињ, 22 септември 2025 – Полнолетното издание на највлијателниот фестивал во регионот собра најмногу учесници досега и го потврди Ровињ како неизбежна точка на средба на комуникациската, медиумската, бизнис и креативна заедница. Преку десет сали и шест фестивалски целини беа разменети идеи, искуства и визии кои ќе ја обликуваат иднината на индустријата и општеството.

Weekend.18 го одбележаа и говорниците чии пораки се читаат далеку надвор од Ровињ. Лара Боро, CEO на The Economist Group, ја истакна важноста на објективноста и избалансираниот пристап во известувањето: „Кога Трамп победи вторпат, јавно регрутиравме новинари кои го поддржуваат затоа што сакавме да ја слушнеме и таа перспектива. Не смее да има поларизација, мора да ги имаме двата пола. Дури и тоа што Трамп го кажува, понекогаш може да биде точно и да има смисла.“ Мајкл Волф, автор на бестселерот Fire and Fury, потсети дека Трамп е „истовремено идиот и гениј. Идиот затоа што не знае речиси ништо и води војна против самите информации, гениј затоа што успеа токму со тој хаос да ја освои вниманието и да биде центар на секоја расправа.“ Маријана ван Зелер, наградувана новинарка на National Geographic, во преполна сала ги сподели своите искуства од глобалните црни пазари и мрежи на криумчарење и истакна дека „вистинската сила на приказната доаѓа од искреноста и градењето односи, дури и со оние кои живеат надвор од законот“. Мирсада Беговиќ, уредничка на Al Jazeera English, го истакна контекстот во кој новинарите денес работат, во свет обележан со војни, дезинформации и постојана поларизација, каде што вистината често е прва жртва на глобалните кризи. „Во објективноста не смее да има сомнеж, дури и додека нашите животи буквално висат на конец“, додаде Беговиќ.

Вториот ден на Weekend беше отворен со инспиративно предавање на Џејмс Тејлор, наградуван експерт за креативност и вештачка интелигенција, кој нагласи дека „нашата иднина зависи од тоа колку ќе ја поттикнуваме сопствената креативност бидејќи токму таа ги забрзува иновациите повеќе од кој било код“. Во текот на денот, Федерико Падерни, извршен директор за пазари во развој во регионот ЕМЕА, X, нагласи дека „X повеќе не е само социјална мрежа, туку технолошка платформа која ја гради иднината во реално време, а брендовите мора да бидат подготвени на хипер-прилагодливост. Комуникацијата ќе мора да биде повеќе персонализирана, а содржината порелевантна“, истакнувајќи дека само храбрите и прилагодливите брендови можат да успеат во таа брза и непредвидлива арена.

Фестивалот отвори простор и за регионални рефлексии. На панелот „Бил Србин, Хрват и Словенец…“, Анте Томиќ, Зоран Предин, Драгољуб Петровиќ и Зоран Кесиќ, преку хумор и сатира ги анализираа балканските стереотипи, додека расправата „Хејтери: Кои се тие чудни луѓе?“ покажа како онлајн омразата може да се неутрализира со автентичност и хумор. „470 илјади луѓе на мојот профил само чекаат да ме хејтаат“, рече Зоран Шпрајц, додека Ида Престер го сподели коментарот „Југословенка, феминистка, комуњара, ама барем не е Српкиња“, илустрирајќи апсурдни и бизарни начини на кои хејтерите ги напаѓаат поединците. Посебна сила имаа и пораките на жените во newsroom-от. „Публиката ја препознава искреноста, а не имитацијата“, истакна Мојмира Пасторчиќ и додаде дека жените во вестите носат нова димензија: „Посензитивни сме на некои теми, носиме емпатија и го менуваме тонот на известувањето.“ Сепак, признава дека новинарките често се соочуваат со притисоци кои немаат врска со работата: „Зошто на Шпрајц би му се коментирале фори, а мене кошули? Барам да се зборува за содржина. Не сакам да зборувам за својата beauty рутина, сакам да ме доживуваат сериозно како и колегите.“

Weekend.18 беше и простор на најави на нови иницијативи. Ненад Милановиќ, основач и CEO на CAKE.com, најави основање на целосно независен медиум во Србија кој ќе вработува новинари отпуштени поради критичко известување: „Не сакам во медиумски бизнис, но најбитно е да постои медиум кој ќе известува непристрасно за реалната состојба на терен и за сè што режимот прави.“

Додека едни панели отвораа општествени прашања, други му даваа на фестивалот силна стратешка димензија. AI.Weekend, посветен исклучиво на вештачката интелигенција, покажа како технологијата веќе сега ги менува бизнис моделите. Преку две сцени беа претставени примери на примена на АИ во медиумите, маркетингот, медицината, финансиите и креативните индустрии. Заклучокот беше јасен – вештачката интелигенција не им ја одзема работата на луѓето, туку ослободува време за креативни и стратешки задачи, додека одговорноста и етичката примена остануваат клучни предизвици. HR.Weekend ги истакна најновите трендови во управувањето, лидерството и корпоративната култура, отворајќи расправи за иднината на бизнисот во регионот, Finance.Weekend отвори расправи за иднината на пазарот и улогата на дигиталните иновации во финансиите, Investment.Weekend го истакна потенцијалот на инвестициите во регионот и важноста на одржливи проекти, додека Energy.Weekend ја нагласи пресудната важност на енергетската транзиција.

Завршната порака на фестивалот беше јасна. „Weekend не е само фестивал, туку платформа која ги обликува трендовите и отвора разговори кои ја менуваат индустријата. Оваа година покажавме дека Ровињ не е само место на средба, туку и простор во кој настануваат идеи кои ќе го одбележат следното десетлетие“, заклучи директорот на фестивалот Тома Рицов.

Weekend.18 така уште еднаш покажа дека не е само настан, туку движење, место каде што се среќаваат лидери и каде што се обликува насоката по која регионот ќе се движи во годините што доаѓаат.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•