Бурниот развод на Том Круз и Кејти Холмс – Не смеела да има врски по разделбата, не ја пуштала ќерка им кај Том без телохранител

Детали

недела, 02 април 2023

Том Круз ја натерал Кејти Холмс да потпише договор со кој ѝ забранил да зборува за нивниот развод, но и со кој ѝ забранил да има врски пет години по разделбата. Кејти, пак, се изборила за целосно старателство над ќерка им Сури, од страв дека скиентолошката црква ќе ѝ забрани да ја гледа. Што друго знаеме за бурниот развод на Том Круз и Кејти Холмс?

Добро познат факт е дека по бурниот развод, Кејти Холмс и Том Круз не се во добри односи, како и дека актерот, во последните 11 години, воопшто ја нема видено нивната ќерка Сури.

Но, дали знаете што навистина се случило помеѓу парот и како се одвивале разводот и битката за старателство?

Пред Кејти Холмс, Том Круз веќе имаше еден пропаднат брак.

Актерот се разведе од Никол Кидман поради скиентологијата, а неговата религија е причина и за вториот развод.

Во 2012 година, Том и Кејти најавија дека се разведуваат по шест години заедно.

Ниту еден од нив нема зборувано за разделбата, но според некои изјави на Том низ годините, станува јасно дека главниот „виновник“ е скиентологијата.

Кејти и Том почнаа да се гледаат во 2005 година, а само неколку месеци подоцна открија дека се вериле.

Тогаш актерот сподели дека Кејти ќе стане дел од скиентолошката црква.

Во април 2006-та година, тие ја добија ќерката Сури која требаше да ја воспитуваат според правилата на скиентологијата.

По разделбата, Том Круз откри дека воопшто не очекувал Кејти да побара развод.

Во 2013-та, тој изјави дека иако Кејти планирала да стане дел од црквата, сепак чувствувала аверзија кон помислата ќерка им, Сури, да биде воспитана на тој начин.

Истата година, актерот ја тужеше издавачката куќа Bauer Media во чијшто магазин беше објавен текст кој тврди дека „тој ја напуштил неговата ќерка“.

За време на судењето, адвокат го прашал актерот дали Кејти побарала развод за да ја заштити Сури од скиентолошката црква. Наводно, актерот изреагирал бурно, изјавувајќи:

„Нема потреба да ја штити ќерка ми од мојата религија“.

Адвокатот продолжил да го притиска за прашањето, по што Том потврдил дека црквата сепак е една од причините за разводот.

Продолжува на следната страница...