Ги разгореа страстите по раскинувањето - Камила Кабејо и Шон Мендез се бакнуваат и танцуваат провокативно на Coachella (видео)

Детали

вторник, 18 април 2023

Една година по раскинувањето, Шон Мендез и Камила Кабејо беа неразделни на музичкиот фестивал Coachella, а во еден миг споделија и страстен бакнеж. Сепак, иако фановите се надеваат дека се смириле, некои извори тврдат дека бакнежот не значел ништо и наводно ги понела атмосферата.

Викендов се одржа еден од најпопуларните музички фестивали во САД – Coachella. Секој година, покрај популарните изведувачи, во публиката се наоѓаат некои од најпознатите имиња од светот на шоу-бизнисот.

Годинава, покрај другите ѕвезди, во публиката беа Шон Мендез и Камила Кабејо.

Младите музичари, кои раскинаа пред повеќе од една година, разговараа, танцуваа провокативно, а споделија и неколку бакнежи.

Видеото од парот беше споделено на Твитер, по што се разгореа гласините дека повторно се заедно.

Camila e Shawn ontem no Coachella 🔥 pic.twitter.com/U3D2Rx4RqX

— Camila Vídeo (@CabelloMidia) April 15, 2023

Според извори на Us Weekly, тие заедно пристигнале на фестивалот.

„Пристигнаа со многу телохранители и околу нив имаше голема група луѓе. Не се држеа за рака, но беа заедно цела вечер. Изгледаа како пар“.

Camila e Shawn ontem no Coachella 😂 pic.twitter.com/mRVUXK2Nqf

— Camila Vídeo (@CabelloMidia) April 15, 2023

Шон Мендез и Камила раскинаа кон крајот на 2021 година. До неодамна пејачката имаше друг дечко, додека за Шон се шпекулираше дека е во врска со 51-годишна жена.

Сепак, друг извор тврди дека Шон и Камила не се заедно.

„Шон и Камила се пријатели со многу љубов и историја помеѓу нив, но не се пар. Останаа во контакт по раскинувањето и одлучија да се сретнат на Coachella бидејќи и двајцата сакаа да одат на фестивалот“, открива изворот за Page Six.

Во врска со бакнежот, изворот вели дека само биле понесени од атмосферата и дека дефинитивно тоа не е знак дека повторно се пар.

Според коментарите на видеото, но и новите Инстаграм објави на Камила, фановите се надеваат дека сепак ќе се смират.

„Многу сум среќна за тебе и Шон! Се надевам дека сте среќни“, гласи еден од бројните коментари.

Не е познато зошто точно раскинаа Шон и Камила, а според изворите, Шон бил тој кој ја иницирал разделбата.

Наводно, Камила била разочарана, но сепак сфатила дека е најдобро да се разделат и да останат пријатели.

Спирова С. | Црнобело