Анџелина Џоли разочарана: Биолошката ќерка ѝ го сврте грбот – ќе се сели кај татко ѝ

Детали

вторник, 02 април 2024

Шајло Џоли Пит во мај годинава ќе наполни 18 години, а планира да се пресели кај татко ѝ, Бред Пит. Наводно, Анџелина е гневна што нејзината прва биолошка ќерка одлучила да ѝ го сврти грбот и да не застане на нејзина страна во битката што таа ја води со Бред цели 8 години.

Анџелина Џоли (48) и Бред Пит (60) се разведуваат од 2016-та година, а актерката тврдеше дека нејзиниот сопруг бил насилен кон неа и нивните деца за време на лет со авион, по што одлучила да поднесе документи за развод.

Во изминатите години се зборуваше многу за тоа дека Бред Пит нема никаков контакт со шесте деца од бракот со Анџелина, при што трите најстари деца Медокс, Пакс и Захара (кои се веќе полнолетни) јавно се откажаа од татко им.

Но, се чини дека првото биолошко дете на парот, Шајло, има поинакви планови во животот.

Таа во мај годинава ќе наполни 18 години и ќе има право сама да избере со кој од родителите сака да живее.

Само неколку денови откако беше објавено дека Бред Пит планира целосно да се откаже од старателството над децата, за да може да се разведе од поранешната сопруга, сега дел од странските медиуми пишуваат дека Шајло нема намера да продолжи да живее со мајка ѝ.

„Шајло не е несреќна од животот со Анџелина, но таа наскоро полни 18 години и сака промена. Дополнително таа го обожава Бред и отсекогаш била татина ќерка“ – велат извори блиски до парот за Radaronline.

Се вели дека Бред бил пресреќен кога Шајло му ги соопштила вестите, но на Анџелина воопшто не ѝ се допаднала одлуката на нивната ќерка.

Сепак, таа не планира да ја спречи Шајло да се пресели кај татко ѝ и се теши себеси со фактот дека Бред живее во близина, така што тие ќе се гледаат редовно.

„Секако, Анџелина не е среќна, но таа знае дека Шајло е возрасна жена и може сама да ги носи сопствените одлуки. Шајло може пеш да се врати дома за да ги види своите браќа и сестри“ – вели изворот.

За потсетување, трите највозрасни деца јавно се откажаа од татко им и застанаа на страната на Анџелина.

Медокс сведочеше на суд против татко му, Пакс јавно го нарече „ужасен човек“, а Захара минатата година се откажа од неговото презиме.

Но, Шајло се трудеше да одржи добар однос и со двајцата родители.

Минатата година, странските медиуми пишуваа дека Шајло е свесна дека татко ѝ се откажал од пороците и се труди да биде подобар, па сака и мајка ѝ „да продолжи со животот и да биде среќна“.

За потсетување, Бред и Анџелина беа прогласени за легално сингл во 2022-ра година, но парот сè уште не го финализирал разводот, кој трае веќе 8 години.

Бред веќе една година е во среќна врска со 30 години помладата девојка Инес де Рамон.

Прочитајте и Се откажува од децата за да се разведе од Анџелина - Доказ дека Бред Пит е конечно среќен со помладата девојка

Б. С. Б. | Црнобело