„Ти си ужасна личност“ – Синот на Бред Пит и Анџелина Џоли со искрена порака до татко му

Детали

вторник, 21 ноември 2023

„Постојано и постојано докажуваш дека си ужасна и неподнослива личност. Немаш никакво сочувство и емпатија кон твоите 4 најмлади деца кои треперат од страв во твое присуство“ – му порача Пакс Џоли Пит, на својот татко Бред Пит во објава на Инстаграм.

Во светските таблоиди се појави стара Инстаграм објава на најмалиот син на Анџелина Џоли (48) и Бред Пит (59), Пакс Џоли Пит, во која тој не штедеше на зборови за својот татко.

На фотографијата на која Бред Пит го добива Оскарот за најдобра споредна машка улога, Пакс саркастично му го честита денот на татковците на актерот.

Како што пишува Daily Mail, станува збор за објава која била објавена на приватниот Инстаграм профил на Пакс во 2020-та година, во која тој опишува што мисли за својот татко кој води жестока легална битка со нивната мајка и сѐ уште не може да го финализира разводот.

„Среќен Ден на татковците на овој светски кре*тен!!! Постојано и постојано докажуваш дека си ужасна и неподнослива личност.

Немаш никакво сочувство и емпатија кон твоите 4 најмлади деца кои треперат од страв во твое присуство. Никогаш нема да разбереш колкава штета му нанесе на моето семејство, затоа што не си способен за тоа.

На тие што ми се најблиски успеа да им го направиш животот пекол.

Може да си кажуваш себеси и на светот што сакаш, но еден ден вистината ќе исплива на виделина. Па, нека ти е среќен Денот на татковците, ти си ужасно човечко суштество“ – му порача Пакс на Бред.

Познато е дека Бред Пит и Анџелина Џоли се разделија само 2 години по венчавката на приватна церемонија во Ница, Франција, откако актерот се обидел да го задави нивниот најстар син Медокс.

Според некои извори Бред бил под дејство на алкохол, заради што ситуацијата брзо ескалирала.

Четирите најмлади деца што Пакс ги споменува во објавата се Захара (18), како и трите биолошки деца на Бред и Анџелина – Шајло (17) и близнаците Нокс и Вивиен (15).

Пакс беше посвоен од Виетнам и важи за мошне повлечен и тивок, така што оваа негова објава остави многумина без зборови.

Прочитајте и Го посвои на само 7 месеци, за да го заштити се разведе од Бред Пит – Анџелина Џоли гордо позира со синот Медокс

 Б. С. Б. | Црнобело