Се откажува од децата за да се разведе од Анџелина - Доказ дека Бред Пит е конечно среќен со помладата девојка

Детали

петок, 29 март 2024

Се ближи ли крајот на еден од најдолгите разводи во Холивуд? Бред Пит е подготвен да се откаже од старателството над 6-те деца и со тоа да стави крај на разводот кој трае од 2016-та година.

Холивудскиот актер Бред Пит (60) во последната година живее заедно со неговата 30 години помлада девојка Инес де Рамон, а според најновите информации до кои дошол Daily Mail, конечно ќе стави крај и на судските битки и превирања со Анџелина Џоли (48) и ќе го заврши тоа поглавје во својот живот.

Еден од проблемите заради кои разводот меѓу Бред и Анџелина се провлекува веќе речиси 8 години е тоа што актерот бараше пола-пола старателство со неговата сопруга врз нивните 6 деца.

Иако, постојат и гласини дека главната причина за разводот била тоа што го нападнал првиот син на Анџелина, Медокс и затоа што бил насилен кон членовите на семејството.

Според извори блиски до актерот, Бред веќе нема намера да се бори за старателство, со што ќе добие само право да ги посетува, додека Анџелина ќе остане единствен нивeн старател.

Една од главните причини за оваа одлука е тоа што 3 од нивните деца се веќе полнолетни и сами можат да одлучат дали сакаат или не сакаат да го гледаат нивниот татко.

За потсетување, Медокс веќе има 22 години, Пакс 20, а Захара 19.

Додека малолетни се само биолошките деца што актерскиот пар ги доби заедно, Шајло (17) и близнаците Нокс и Вивиен (15).

Познато е дека актерот бараше старателство над децата, иако наводно не ги ни видел по расправијата во авионот кога физички го нападнал Медокс.

Пакс, во 2020-та година објави порака до неговиот татко на неговиот Инстаграм профил во којшто му порача дека постојано успева да докаже дека е ужасна личност.

„Никогаш нема да сфатиш колкава штета му нанесе на моето семејство, затоа што не си способен за тоа“ – му порача синот во пораката што беше објавена минатата година во сите светски медиуми.

Инаку, Бред Пит повеќе од една година е во врска со актерката Инес де Рамон, а според пишувањата во таблоидите, по прославата на неговиот 60-ти роденден во Париз, парот одлучил да почне да живее заедно.

Според изјавите на неговите пријатели, актерката добро влијае врз него и тој е посреќен од кога било.

Прочитајте и Го посвои на само 7 месеци, за да го заштити се разведе од Бред Пит – Анџелина Џоли гордо позира со синот Медокс

Б. С. Б. | Црнобело