Ник Канон, бившиот на Мараја Кери, има 12 деца – не може да ги наброи сите, едното почина од рак

Како што веќе спомнавме, за многумина Ник Канон е познат како поранешниот сопруг на Мараја Кери.

Своевремено, тие беа и еден од најпопуларните парови во светот на шоу-бизнисот.

Неколку факти за нив:

Мараја и Ник се запознаа во 2005 година, на доделувањето на Teen Choice Awards.

Тогаш Ник беше презентер на настанот и ѝ ја додели наградата на Мараја за најдобар R&B артист.

Првите гласини за нивната врска се појавија во април 2008-ма.

Тој период Ник се појави во спот на Мараја – за песната Touch My Body.

Се венчаа два месеца подоцна.

Ник и Мараја не потврдија дека се во врска, туку во мај 2008-ма само открија дека стапиле во брак.

Подоцна пејачката откри дека ја криеле врската бидејќи Ник ја запросил речиси веднаш:

„Не кажувавме за врската. Не сакавме да им дадеме можност на луѓето да ни велат дека брзаме и да нè прашуваат дали сме сигурни дека сакаме да се венчаме“.

Во истото интервју за Elle, таа откри и дека Ник ја запросил двапати – еднаш во нејзиниот стан во Менхетн, а вториот пат ја „киднапирал“ со хеликоптер и повторно ѝ го поставил прашањето.

Во 2010-та парот ги обнови брачните завети, а Ник откри дека го направиле тоа и на првата годишнина.

„Ве охрабрувам сите да си ги обновувате заветите на годишнината. Ако сте среќни и вљубени, славете за тоа!“, изјави актерот.

Во април 2011-та, парот ги доби близнаците Морокан и Монро.

Во 2014-та, се појавија првите гласини за проблемите во нивниот брак.

Неколку месеци подоцна, и двајцата беа забележани без нивните прстени.

Кон крајот на истата година, тие потврдија дека се разделени, а го финализираа разводот дури во ноември 2016-та.

Денес Ник и Мараја се во добри односи.

Тие заедно се грижат за нивните деца, а неодамна Ник изјави дека никогаш повеќе нема да стапи во брак.

Спирова С. | Црнобело