Првиот син ѝ се самоуби, а со двајцата посвоени не разговараше: Факти за Тина Тарнер, која почина на возраст од 83 години

На возраст од само 10 години мајка ѝ ја напуштила, откри дека поранешниот сопруг сакал да ѝ го уништи лицето со жешко кафе, а вистинската среќа jа почувствувала во последните 10 години од животот, сѐ додека не ги загуби двата сина – помалку познати факти за Тина Тарнер.

Легендата на рокенрол музиката Тина Тарнер почина на 24-ти мај по подолго боледување на возраст од 83 години. Таа почина само 6 месеци откако го загуби нејзиниот најмлад син Рони.

Познато е дека Тина била жртва на семејно насилство и дека долго време трпела малтретирање од поранешниот сопруг, а за нејзиниот живот во 2021-ва година беше направен и документарен филм, насловен TINA.

Тина Тарнер беше мајка на 4 сина, од кои двајца се починати, а нејзиниот тежок живот започнал уште кога била многу млада.

Во продолжение некои помалку познати факти за Тина Тарнер:

На возраст од 10 години мајка ѝ ја напуштила, затоа што наводно никогаш не ја сакала, а истото го направил и нејзиниот татко само неколку години подоцна.

На возраст од 18 години, Тина станала мајка за првпат. Со саксофонистот на Kings of Rhythm, Рејмонд Хил, таа го доби синот Рејмонд Хил кој подоцна беше посвоен од Ајк Тарнер и го промени името во Крег Рејмонд Тарнер.

Во 1960-та година Тина и Ајк го добија синот Роналд Рони Ренел.

На возраст од 22 години, во 1962-ра година Тина се омажи со Ајк тарнер, со кого заедно настапуваше и со кого беше во врска.

Таа исто така посвои две од шесте деца од претходните врски на Ајк, Ајк Тарнер Џуниор и Мајкл Тарнер, па на многу млада возраст стана мајка на 4 деца.

Тина и Ајк беа во брак сѐ до 1976-та година, а тие 13 години заеднички живот биле исполнети со насилство и манипулации, па пејачката во една пригода откри дека неколкупати имала скршеници заради ќотекот што го добивала, а во една пригода добила и изгореници од трет степен кога Ајк ѝ истурил жешко кафе на лицето.

Во 1976-та година Тина го напуштила Ајк. Познато е дека кога си заминала останала бездомник и со само 1 долар во џебот, но тоа не ја спречило да се воздигне и да започне соло музичка кариера.

Продолжува на следната страница...