Дејвид Бекам се проѕева и едвај седи буден на натпревар со мајка му (по прославата со Викторија за 24 години брак)

Детали

четврток, 06 јули 2023

Дејвид и Викторија Бекам ја прославија 24-тата годишнина од бракот во ресторан во Лондон, а следниот ден фудбалерот сонлив, едвај седеше буден на тениски натпревар со мајка му Сандра.

На 4-ти јули годинава, Дејвид и Викторија Бекам ја прославија 24-тата годишнина од бракот, а вечерта ја поминаа во луксузен ресторан во Лондон.

Веројатно прославата траела до доцна бидејќи следниот ден, поранешниот фудбалер беше на тениски натпревар на Вимблдон и едвај ги држеше очите отворени.

Парот ја прослави годишнината во друштво на нивните деца, а Викторија сподели неколку фотки од вечерта.

„Минатата ноќ во Лондон додека ја прославуваме 24-тата годишнина од бракот. Сите ве сакам многу“, стои во описот.

На прославата присуствуваше девојката на Ромео, но не и сопругата на Бруклин - Никола Пелц. За потсетување, по свадбата односот помеѓу Викторија и снаата Никола значително се влоши.

Следниот ден Дејвид беше на натпреварот со неговата мајка Сандра и постојано се проѕеваше и си ги триеше очите.

Фудбалерот изгледаше поспано и очигледно едвај седел буден.

По натпреварот, тој сподели фотка со познатиот тенисер Роџер Федерер.

За годишнината, пак, фудбалерот сподели стара фотка од него и Викторија, со опис:

„24 години и уште броиме. До најдобрата сопруга, мајка и партнер за пиење (во повеќето случаи), среќна годишнина, многу те сакам“.

Викторија сподели видео од свадбата, од моментот кога со Дејвид ја сечат тортата.

Спирова С. | Црнобело