Која е девојката што Дејвид Бекам ја откачи заради Викторија – Денес е омажена за негов пријател и се мошне блиски

Детали

сабота, 07 септември 2024

Кога Дејвид ја видел Викторија веднаш се вљубил и ја „откачил“ девојката со која 1 година бил во врска. Таа, пак, се омажила за негов добар пријател и колега, па сега се семејни пријатели, кои заедно одат на ручеци и на излети. Која е девојката на Бекам пред Викторија?

Со децении наназад, Викторија и Дејвид Бекам важат за еден од најскладните славни парови.

Нивниот брак не можеше да биде разнишан ниту од гласините за афери, ниту пак од големиот број пишувања кои беа против нив.

Со години наназад, тие секаде се појавуваат заедно, јавно ги изразуваат сопствените чувства, па речиси и е невзоможно да замислиме дека тие имале живот пред да ја започнат врската и да стапат во брак.

За Викторија се знае дека пред Дејвид била свршена со електричар, кој работел во фирмата на татко ѝ и спиел во нејзиниот семеен дом, a поретко се зборува за бившите девојки на Дејвид.

Познато е дека поранешниот фудбалер на ФК Manchester United на 15 години бил лудо вљубен во девојка од САД, која ја запознал во авион додека одел на фудбалски камп во Далас.

Наводно, тие се дружеле една недела, па две години разменувале љубовни писма.

Потоа за време на средното образование, Дејвид бил во врска со Клер Пенкерст, која јавно го пофали и рече дека многу добро знаел да се бакнува.

Единствената девојка со која јавноста имаше можност да го види Дејвид пред Викторија е Џули Килеа, денес Џули Невил.

Во 1996-та година Дејвид и Џули беа во врска и заедно се појавија на повеќе настани, а најмногу внимание привлекоа на премиерата на филмот Broken Arrow.

Таткото на Џули имал сопствена компанија за градежништво, а таа на почетокот работела како секретарка таму.

Но, по само една година врска парот се разделил, а се верува дека главната причина била тоа што Дејвид ја запознал и веднаш се вљубил во Викторија.

Наводно, Дејвид ѝ се допаднал на Викторија кога првпат го видела во албум за сликички, а тој се вљубил во неа кога ја видел на телевизија.

Според неговите изјави, Дејвид кога првпат ја видел Викторија, му рекол на својот колега Гери Невил:

„Ми се допаѓа девојката во црниот костим од латекс“.

Продолжува на следната страница...