Ретки фотографии на Кијану Ривс со сестра му Ким, која 10 години се бореше со леукемија

Детали

четврток, 03 август 2023

Кијану Ривс ја стави кариерата „на пауза“ 10 години за да ѝ помогне на сестра му да се избори со леукемијата, а сега актерот е фотографиран како ужива со неа на јахта во Италија. Актерот изгледа опуштено без маица и во кратки пантолони.

Холивудскиот актер Кијану Ривс (58) беше фотографиран без маица како ужива на јахта со сестра му Ким (53) и пријателите во Капри, Италија.

Насмеан и добро расположен, јасно е дека на Кијану му годеле деновите посветени за одмор со семејството по густиот распоред со снимања нови филмови.

До пристаништето актерот пристигна сам со кацига и веспа, а таму ја соблече маицата и се бањаше и се сончаше во зелени пантолони.

Инаку, ова беше ретка можност фотографите да успеат да ја уловат сестра му Ким, која изгледаше елегантно во портокалов фустан.

Познато е дека актерот е многу близок со сестра му, а важи за актерот со најголемо срце во Холивуд. Дури 70 отсто од својот хонорар од филмот Matrix тој го донираше за испитувањата за леукемија.

Ваквата одлука за донација следеше откако сестра му цели 10 години се бореше со леукемија, а дополнително холивудскиот актер во тој период се грижеше за неа и ѝ помогна да се избори со болеста.

Кијану потрошил околу 5 милиони долари за терапии, а го продал и својот дом, па дури и го одложил снимањето на продолженијата на Matrix само за да биде поблиску до сестра му.

„Таа секогаш била тука за мене, знаете. Јас секогаш ќе бидам тука за неа“ – рече тој.

Освен што активно ѝ помогнал на сестра му, актерот има и своја фондација што им помага на дечињата заболени од рак и вложува средства за испитувања поврзани со ракот.

Инаку, Киану на патувањето беше сам, без неговата девојка Александра, со која за првпат се појавија заедно во јавност во 2019-та година.

Јасно е дека актерот ги користи слободните денови пред да се врати на снимањето филмови, а по огромниот успех на John Wick, најавено е уште едно продолжение на мегапопуларниот филм со актерот, Constantine, за којшто продукцијата е веќе започната.

Погледнете повеќе фотки од Кијану на следната страница...