Продуцентот ја силувал, речиси умрела од нарушување во исхраната: Трагичниот живот на Кеша

Детали

недела, 29 октомври 2023

Пораснала во сиромаштија, продуцентот ја силувал и ја терал да се изгладнува, а на почетокот од 2023-та, речиси ќе умрела по процедура за замрзнување јајце клетки - тажни детали до животот на Кеша.

Во 2009 година, Кеша го издаде својот прв сингл, TiK ToK, и стана светски позната речиси преку ноќ.

Иако секогаш изгледаше безгрижно и оддаваше впечаток на девојка која сака да се забавува, реалноста била далеку поразлична.

Пејачката трпела малтретирање од нејзиниот продуцент, а извесен период имала и сериозни нарушувања во исхраната поради што речиси го изгубила животот.

Тажни детали од животот на Кеша:

Пораснала во сиромаштија

Во детството, Кеша живеела со мајка ѝ и двајцата браќа.

Мајка ѝ била автор на песни и во минатото пишувала дури и за ѕвезди како Доли Партон, но сепак едвај сврзувала крај со крај.

За да го прехрани семејството, добивала помош од државата.

Бидејќи многупати немале пари за кирија, Кеша и семејството често се преселувале, па таа променила неколку училишта во основно и средно.

Сè додека да се прослави со песната TiК ToК, Кеша речиси постојано живеела во сиромаштија.

Не знае кој ѝ е татко

Таткото на Кеша никогаш не бил дел од нејзиниот живот, а таа, пак, никогаш не ни изразила желба да го запознае.

Но, кога се преселила во Лос Анџелес со цел да ја почне музичката кариера, мајка ѝ договорила да се види со маж кој најверојатно бил нејзиниот татко.

„Ми рече дека може да отседнувам со него и да создадеме врска на татко и ќерка. Кога го видов на аеродромот веднаш знаев - си реков дека нема шанси тој да ми е татко“.

Иако не верувала дека ѝ е татко, немајќи друг избор, Кеша сепак се вселила со него.

По некое време, почнала сериозна врска, па се преселила кај дечко ѝ.

На интернет се појавија нејзини голи фотки

Перез Хилтон е блогер и колумнист од САД кој објави интимни фотки од пејачката на неговиот веб-сајт.

И покрај тоа што Кеша била жртва, нејзиниот дечко се налутил, па по некое време раскинале.

Подоцна во интервју Кеша изјави дека дечко ѝ бил единствениот маж што го сакала.

Во друго интервју изјави дека со фотките, Перез Хилтон ѝ ја уништил единствената врска во животот што ѝ значела.

Имала суицидни мисли

Со доаѓањето на популарноста, Кеша почнала премногу да се грижи за својот изглед, најмногу поради нејзиниот продуцент – Dr. Luke – кој честопати ја критикувал за тежината.

Поради ова, Кеша почнала да се изгладнува до тој степен, што речиси умрела.

Подоцна откри дека имала и суицидни мисли кои, за среќа, ги надминала.

Продолжува на следната страница...