Била зависничка од дрога, денес има 73 години – Каде е и што прави Ивет од бразилската серија „Клон“?

Детали

сабота, 22 ноември 2025

Во 1969-та била Мис Бразил, го изгубила старателството над синот заради зависност од супстанци, а ќерка ѝ ја молела да се откаже – денес е целосно чиста. Како изгледа Вера Фишер, актерката што ја глумеше сензуалната Ивет во бразилската хит-серија „Клон“?

Дали бевте верен фан на бразилската хит-серија „Клон“, која ја прикажуваше љубовта на Жаде од Мароко и Лукас од Бразил?

Доколку сте ја гледале во раните 2000-ти, сигурно знаете и која е Ивет, која како во серијата, така и во приватниот живот, важеше за секс симбол.

Вера Фишер е глумицата која ја толкуваше оваа улога, а имала тешко детство и младост.

Порасната е со татко нацист од Германија и неговите ставови довеле до нарушен однос со ќерката, која до 5 години зборувала германски, а потоа научила португалски во училиште.

Пред да се прослави како актерка, на 17-годишна возраст, во 1969-та ја освоила титулата Мис Бразил, а ги фалсификувала годините за да може да оди на Мис Универзум.

Потоа имала кариера како фотомодел, во 1970-тите се впуштила во актерските води, каде добивала голем број улоги, номинации и награди, а животот ја одвел во погрешна насока па почнала да консумира недозволени супстанци.

Од 1987 до 1995 била во брак со актерот Фелипе Камарго, со кого го добила синот Габриел, над кого го изгубила старателството во 1997, заради проблемите со алкохол и дрога.

Претходно таа била во брак со актерот Пери Салес 15 години, од 1972 до 1987 година, а со него ја има ќерката Рафаела, родена во 1979, која ја натерала да се ослободи од зависностите. 

Во доцните 90-ти била во клиника за рехабилитација и потоа успева да си ја врати кариерата, кога во 2000-тите се појавува во серијата Клон и во уште многу други серии и филмови.

Денес таа е трезна и целосно чиста, а запомнета е како симбол за убавина и талент.

Има 73 години, а иако не е толку активна на филмското платно, често споделува моменти од секојдневието на социјалните мрежи и се труди да се одржи во форма, иако често го покажува и својот природен изглед. 

Погледнете повеќе нови фотки од Вера Фишер - како изгледа денес:

М. М. | Црнобело