„Би дала сѐ да можам да слушнам уште една негова шега“ – Кортни Кардашијан емотивна за роденденот на татко ѝ

Детали

четврток, 22 февруари 2024

„Би дала сѐ за да можам уште еднаш да му испеам роденденска песна и да слушнам уште една од неговите шеги“ – Кортни Кардашијан со емотивна објава по повод роденденот на татко ѝ.

Во последните неколку месеци, Кортни Кардашијан се чини дека води целосно одвоен живот од нејзините сестри и мајка ѝ Крис Џенер, но таа одлучи да му оддаде почит на човекот со кого била најблиска во семејството.

По повод роденденот на нејзиниот татко Роб Кардашијан, Кортни објави стари фотографии со него, а до нив сподели емотивна порака.

„Татко ми денес ќе наполнеше 80 години. Би дала сѐ за да можам уште еднаш да му испеам роденденска песна и да слушнам уште една од неговите шеги, за последен пат.

Тој ја имаше најдобрата смисла за хумор и знаеше да го направи животот забавен, секое возење со автомобил, секој оброк, гледањето филмови (заедно гледавме филмови секоја среда и секоја недела ми покажуваше некој стар филм)...

Тој знаеше сѐ да направи да биде забавно и посебно. Среќен роденден на најдобриот татко на светот“.

За потсетување, Роб Кардашијан почина во 2003-та година од рак на хранопроводот.

Инаку, Кортни во последниот период е целосно сконцентрирана на животот со сопругот Тревис Баркер и го следи на неговите настапи и концерти.

Таа ужива во првите месеци од животот на синчето Роки 13, а повремено објавува и по некоја нивна заедничка фотографија, но се труди неговото лице да го скрие од јавноста.

Прочитајте и „Разговарав со татко ми кој е починат, како сфатив дека не е измама?“ - Ким Кардашијан со необична изјава

Б. С. Б. | Црнобело