Славни дами кои трпеле болка (и крвавеле) за фустан на црвен тепих

Детали

сабота, 08 март 2025

Ким Кардашијан не можела да дише во тесниот корсет за Мет гала 2024, додека Зендеја имала вртоглавица од сребрениот оклоп што го носеше на премиерата на Dune: Part Two во Лондон.

Важните настани во Холивуд се третираат и како модна писта, каде славните, особено дамите, се појавуваат во раскошни аутфити.

Но, некогаш и жртвуваат многу за да изгледаат добро.

Славни дами кои буквално трпеле болка за да изгледаат добро:

Ким Кардашијан

За Ким Кардашијан веќе е познато дека оди до екстреми за да изгледа добро и, секако, да привлече внимание.

На Мет гала 2024, ријалити ѕвездата се појави во екстремно тесен сребрен корсет.

Неколку месеци подоцна, во ријалити шоуто на Кардашијанс, откри и што трпела за аутфитот.

Ким изјави дека не можела да дише и болката била толку силна, што планирала порано да го напушти настанот.

Таа покажа и како ѝ изгледал грбот од корсетот.

И, ова не беше првпат Ким да се појави во екстремно тесен корсет.

Нешто слично носеше и на Мет гала 2019.

И овој корсет ѝ предизвикувал силна болка, а кога го соблекла, имала линии на грбот и стомакот од него.

Зендеја

Зендеја сака да се облекува во склад со своите улоги кога оди на премиера.

И, секој аутфит за премиерите на Dune беше ништо помалку од импресивен.

Сепак, младата актерка претрпела многу.

За премиерата на Dune: Part Two во Лондон таа носеше сребрен оклоп за кој откри дека не бил воопшто удобен.

Зендеја издржала само 10 минути во скафандерот бидејќи многу се загревал и почнала да чувствува вртоглавица.

Друг впечатлив аутфит е мокриот фустан што го носеше на премиера за првиот филм Dune.

„Фустанот е направен од кожа. Па беше тешко да дишам и да седам во него. Во текот на целиот филм само се фокусирав на дишењето“, изјави убавата актерка.

Младата актерка носи впечатливи аутфити и на други настани, како Мет гала.

Во 2018-та се појави во фустан кој наликува на стар воен оклоп.

„Еден ден пред настанот го пробав и прво нешто што си помислив е дека е многу тежок. Го носев со штикли и беше тешко. Но, вредеше“, изјави актерката.

Продолжува на следната страница...