Ново „понижување“ за Џеј Ло: „Бен Афлек е подготвен да плати милиони, само за да ја оттргне од својот живот“

Детали

понеделник, 09 јуни 2025

Бен и Џеј Ло „мака мачат“ да ја продадат раскошната куќа во која не живееја ни една година. Веќе ја намалија цената за 8 милиони долари, а извори блиски до актерот велат дека тој е подготвен да изгуби многу повеќе пари, ако тоа значи дека конечно ќе се ослободи од Џеј Ло. Ова е како ново „понижување“ за пејачката која се чувствувала гневно што бракот пропаднал бидејќи Бен инсистирал да ѝ дадат втора шанса на врската.

Помина една година откако Џеј Ло и Бен Афлек најавија дека се разделуваат (по вторпат), а разводот го финализираа на почетокот од годината.

Иако и двајцата си продолжија со животот, им остана уште еден детаљ што ги поврзува – куќата што ја купија заедно, но во која живееја помалку од една година пред да се разделат.

Парот ја купи раскошната куќа на Беверли Хилс за дури 60 милиони долари, а бидејќи вложиле иста сума, треба да ги поделат парите од продажбата.

Но, по разделбата, никако не можат да ја продадат, без разлика што веќе ја намалија цената за дури осум милиони долари.

Извори блиски до Бен Афлек, пак, велат дека е подготвен да изгуби уште повеќе пари, ако тоа значи дека конечно, целосно ќе ја отстрани Џеј Ло од својот живот.

„Бен и Џеј Ло ја спуштија цената на нивната куќа за осум милиони долари, но ова не е ништо за Бен. Тој навистина сака да ја продаде и да го отстрани она што го држи врзан за Џеј Ло“.

Иако раскошната куќа има 12 спални соби, теретана, па и терен за кошарка, бившите сопружници „мака мачат“ за да ја продадат.

Првично имале договор да ја продадат на анонимен богат купувач, но откако овој договор пропаднал, мораа и да ја објават онлајн.

Бен и Џеј потрошија скоро еден милиони долари во реновирање и декорирање на куќата, па по намалувањето на цената, нивната загуба ќе биде уште поголема.

Сега изворите велат дека овој огромен трошок бил една од многуте причини за раздорот меѓу Бен и Џеј Ло – имено, актерот воопшто не сакал да троши толку пари за дом.

Иако не му пречела сумата што ја платиле, не му се допаѓало што потрошиле уште еден милион за реновирање, а не му се допаѓало ни тоа што куќата е подалеку од домот на Џенифер Гарнер и неговите три деца.

Бидејќи куќата е единственото нешто што го држи „врзан“ за Џеј Ло, актерот бил подготвен да изгуби милиони само за да стави крај на ова поглавје од животот.

„Бен знае дека Џеј Ло ќе биде присутна во неговиот живот бидејќи нивните деца станаа најдобри пријатели. Но, оваа куќа е последниот симбол на нивниот брак.

Бен се надева дека наскоро ќе најдат купувач и не му е гајле ако потроши неколку милиони. Бракот и разводот го чинеа многу пари, па што се уште неколку милиони за него?“

Друг извор вели дека актерот е подготвен конечно да продолжи со животот, без да мисли на Џеј Ло.

„Бен мора да го надмине сето ова. Само сака да си го живее животот. Имал многу успеси, а со тоа доаѓаат и неколку неуспеси.

Тој не планираше да се разведе и да ја продава куќата, но подготвен е да изгуби милиони ако тоа значи дека ќе си ги зачува семејството, кариерата, но и здравјето“.

За потсетување, Бен и Џеј Ло се венчаа во јули 2022 година во Лас Вегас, а следниот месец направија и свадба.

На почетокот од минатата година, престанаа да се појавуваат во јавност, за во август, на втората годишнина од свадбата, Џеј Ло да поднесе барање за развод.

Овој период, извори блиски до пејачката открија дека таа се чувствувала засрамено и понижено од целата ситуација, бидејќи Бен бил тој кој инсистирал да ѝ дадат уште една шанса на врската.

Па, драмата со куќата била како ново „понижување“ за неа.

Прочитајте и: Бен Афлек првпат прозборе за Џеј Ло по разводот: „Не сакам да откривам детали бидејќи сум засрамен“

Спирова С. | Црнобело