Вирални (и непријатни) моменти што ги обележаа MTV VMA 2025 + најсмешните твитови за настанот

Детали

вторник, 09 септември 2025

Доџа Кет си стави кармин на црвениот тепих, па го изеде, Аријана Гранде мака мачеше со микрофонот кој беше превисоко поставен за неа, a Џесика Симпсон беше критикувана дека претерала со пластични операции. Како помина доделувањето на MTV VMA?

На 7-ми септември се одржа годинешното издание на MTV Video Music Awards (MTV VMA), а на настанот присуствуваа некои од најголемите имиња во музичката индустрија.

Аријана Гранде, Мараја Кери и Рики Мартин се само некои од ѕвездите кои го следеа настанот во Њујорк – дел од нив настапуваа, а дел си заминаа дома и со награди.

Лејди Гага триумфираш на вечерта со четири статуетки од вкупно 12 номинации, додека Мараја Кери првпат доби награда на MTV VMA во долгогодишната кариера. Меѓу наградените се и Аријана Гранде, Сабрина Карпентер, Шакира, Coldplay…

Секако, покрај богата музичка програма, настанот не помина и без неколку вирални, но и бизарни моменти.

Дел од чудните и забавните моменти што го одбележаа овогодишното издание на MTV VMA:

Кога се појави на црвениот тепих, Доџа Кет си стави црвен кармин, а потоа, поради некоја причина, го изеде.

Мараја Кери, пак, се пошегува за фактот дека годинава првпат освои награда на MTV VMA.

„Јее! Мојата прва статуетка. Ти благодарам MTV, ова е прекрасно. Но, не знам зошто требаше толку време за да се случи“.

Таа и настапуваше, а се соочи со критики дека била премногу „здрвена“ на сцена.

Сличен став како Мараја имаше и раперот Bust Rhymes кој доби статуетка првпат во 35 години.

Labubu манијата стигна и до MTV VMA, па една од презентерките им подари специјално изработени кукли на членките на популарната група Katseye.

Но, иако пробуваат да покажат благодарност, очигледно е дека девојките не се многу воодушевени од подарокот.

Јужнокорејската ѕвезда Розе освои награда за песна на годината. Но, кога беше прогласена за победник, не доби прегратка од никој – ниту од луѓето кои седеа до неа.

Пејачот Yungblud позираше на црвениот тепих без маица, но покажа и повеќе отколку што треба бидејќи панталоните му беа спуштени прениско.

Се чини дека настанот не поминува без барем еден провокативен настап кој е критикуван, а годинава со критики се соочи пејачката Тејт Мекреј.

Лејди Гага дојде на настанот само колку да ја прифати наградата Изведувач на годината, и веднаш си замина.

Но, заминувањето ѝ беше оправдано бидејќи истата ноќ имаше концерт на другиот крај од Њујорк.

Џесика Симпсон привлече внимание со новиот изглед, а јавноста коментира дека овој пат претерала со пластични операции.

Но, Рики Мартин од друга страна, доби само комплименти бидејќи изгледа подмладено и подобро од кога било.

Аријана Гранде освои три награди, а кога ја прифаќаше последната, имаше мала незгода со микрофонот.

Пејачката едвај го достигнуваше микрофонот, па организаторите се соочија со критики зошто никој не дошол да го спушти.

Дел од најсмешните твитови за настанот, на следната страница...