„Доволно беше“ – Викторија Бекам е изморена од кавгата со синот Бруклин, верува дека еден ден сам ќе се врати

Детали

понеделник, 29 септември 2025

„Таа верува дека еден ден, тој ќе се врати кај неа, но сега не е вистинското време, така гледа сега на тоа. Ѝ беше многу емотивно снимањето на документарната серија, но со тоа сфати дека има многу сакани луѓе покрај неа“ - велат изворите за Викторија Бекам, која е изморена од борбата со синот Бруклин. 

Драмата во семејството на Бекамови навистина трае долго време, а изгледа како двете страни веќе да немаат намера да направат нешто повеќе.

Иако Дејвид и Викторија се држат еден до друг и не дозволуваат многу зборување за семејството, сепак преку скриени потези се забележува тензијата.

Откако неодамна Бруклин во завиена форма проговори за ситуацијата и изјави дека не го интересира ништо бидејќи ја има сопругата Никола Пелц покрај себе, излегоа информации и за ставовите на мајка му на оваа тема.

Изгледа борбата за неа трае предолго, па додека периодов се подготвува за премиерата на нејзината документарна серија на Нетфликс, решила да повлече линија и да престане да се бори.

Според блиски извори, снимањето на шоуто ѝ помогнало да се ослободи, бидејќи сфатила колку многу е сакана, а во себе верува дека еден ден ќе се обединат со Бруклин.

„Минуваше низ ролеркостер од емоции заради таа голема работа што уште ѝ влијае, односно нарушениот однос со Бруклин.

Но, ова исто така ја натера да сфати дека не може да продолжи да се потсетува на скршеното срце и да се навраќа на ситуацијата со него, што е доволно, доволно е.

Викторија знае дека еден ден, тој ќе се врати кај неа, но сега не е вистинското време, така гледа таа на тоа сега, а овој проект ја натера да сфати колку е благословена што го има семејството покрај неа, што ја поддржува.

Ѝ беше емотивно, но и ослободувачко истовремено. Секако дека верува дека еден ден ќе ги средат односите“.

Инаку, документарната серија ќе има премиера на 9-ти октомври, а во неа ќе може да се види таа одблиску, нејзината транзциија од поп икона до моден могул, со фокус на градењето на нејзината модна империја, но и интимни семејни моменти, посебно со нејзината најголема поддршка, сопругот.

„Само сакам Дејвид и децата да бидат горди на мене“ – вели таа.

Погледнете го трејлерот:

M. M. | Црнобело