Тајните за младешкиот изглед на Деми Мур (63), која тврди дека не направила ниту една корекција

Детали

среда, 19 ноември 2025

Додека Деми Мур тврди дека нема направено никаква корекција на лицето, експертите проценуваат дека има потрошено мало богатство на процедури како фејслифтинг, ботокс и отстранување масно ткиво од образите.

На своја 63-годишна возраст, Деми Мур изгледа подобро од кога било и делува барем една деценија помладо.

Минатата година, актерката имаше голем камбек со филмот The Substance, а на почетокот од 2025-та, People ја прогласи за најубавата жена во светот.

Минатата недела, пак, актерката се појави на премиерата на втората сезона од серијата Landman, каде повторно во фокус беше нејзиниот младешки изглед.

Но, додека пластичните хирурзи и експери сметаат дека има потрошено значителна сума на корекции, вклучително и операција на градите и носот, самата актерка е децидна дека никогаш не отишла „под нож“.

Па, која е тајната зад младешкиот изглед на Деми, според неа?

Уште во 2008 година, Деми откри дека пробува секакви третмани за разубавување кои не вклучуваат операции, ботокс и слични процедури.

Во интервју таа сподели дека одела на третман со пијавици.

„Отсекогаш сум барала третмани кои се фокусираат на здравјето. Кога бев во Австрија, отидов на третман со пијавици.

Тие имаат ензим кој го испуштаат во крвта кога ќе ве гризнат. Ова ја прочистува крвта“.

Деми вели дека обрнува многу внимание на исхраната и дека јаде само сирова веганска храна. Односно, храна од растително потекло која не се готви. Па, и ова имало удел во нејзиниот изглед.

Иако тврди дека сè на неа е природно, Деми има откриено дека предните заби ѝ се вештачки.

„Ги изгуби предните заби. Би сакала да кажам дека е поради нешто кул, како возење скејтборд. Но, мислам дека е важно да го споделам ова бидејќи причината е еден од најголемите убијци во Америка – стрес.

Многу сум благодарна што постои модерната дентална медицина“.

Јавноста почна да ги забележува промените на лицето на Деми во 2021 година, кога беше дел од модна ревија на Fendi.

Тогаш актерката изгледаше мошне чудно, дури непрепознатливо. Образите ѝ беа многу пропаднати, јаболкниците поистакнати од вообичаено, а имаше и чудна форма на устата.

Тогаш се огласија и неколку пластични хирурзи кои се популарни на социјалните мрежи и повеќето беа сигурни дека Деми има направено повеќе од една процедури.

„Иако овој изглед може да се должи на шминката и светлото, изгледа како на Деми да ѝ отстраниле премногу масно ткиво од образите.

Поради ова, филерите во образите изгледаат поразлично и се забележува драстична разлика во нејзиниот изглед“, гласи еден од коментарите на експертите.

Други велат дека веројатно има ставено премногу филери, а некои сметаат дека можеби има направено и фејслифтинг.

Дел претпоставуваат дека Деми почнала да прави корекции на порана возраст, па затоа успева да го задржи младешкиот изглед со минимални интервенции кои не се ни забележуваат.

Но, она што ја „издава“ се филерите во образите кои на некои фотки изгледаат преголеми за контурите на нејзиното лице.

Севкупно, експертите проценуваат дека Деми има потрошено најмалку 250.000 долари на корекции.

Но, актерката со години наназад стои на ставот дека нема направено ништо, како и дека не планира да први.

„Сè е лага. Никогаш не сум направила корекција на лицето. Но, не ги осудувам тие што прават.

Мене, едноставно не ми се допаѓа идејата да правам операција за да го забавам процесот на стареење.

Засега сакам да бидам убава жена која личи на својата возраст, наместо очајно да пробувам да изгледам како да имам 30 години“.

Прочитајте и: „Не, нема да прифатам дека Деми Мур е најубавата жена на светот - со толку многу пластични операции“

Спирова С. | Црнобело