Марк Ентони (57) го очекува 8-то дете – неговата 30 години помлада сопруга е бремена вторпат

Детали

четврток, 29 јануари 2026

„Среќна трета годишнина. Маркито ќе биде големо братче“ – Марк Ентони и неговата 26-годишна сопруга објавија фотка со труднички стомак и нивните раце. Ова им е второ заедничко дете, а за Марк ќе биде осмо - тој има уште 6 деца добиени од три различни жени, меѓу кои и Џеј Ло.

Марк Ентони и Надиа Фереира ја објавија својата романса во март 2022, а само два месеца подоцна се свршија.

Нивното прво заедничко дете, Марко, се роди во јуни 2023, 5 месеци откако парот се венча во Мајами, а 2 и пол години подоцна соопштија дека чекаат уште едно.

На Инстаграм објавија заедничка фотографија од трудничкиот стомак на Надиа, со дланките на сите тројца и напишаа:

„Среќна 3-та годишнина! Каков подарок ни донесе животот! Бог е голем! Маркито ќе биде големо братче“.

Инаку, ова ќе биде осмо дете за Марк. Oсвен првиот син со Надиа, тој ги има и близнаците Макс и Еме кои ги доби од Џеј Ло, синовите Кристијан и Рајан од поранешната сопруга Дајанара Торес, како и двете најстари деца, Ариана и Чејс, што ги има од врската со Деби Росадо.

Прочитајте и Марк Ентони ја побарал за жена по 3 месеци врска, поранешниот дечко ја обвини дека е спонзоруша – Што знаеме за Надја Фереира?

М. М. | Црнобело