Ди Каприо тажен бидејќи изгуби, расистички навреди за Мајкл Б. Џордан: Како помина доделувањето на BAFTA 2026?

Лице со Туретов синдром неволно кажа расистичка навреда

Филмот I Swear e инспириран од животот на активистот Џон Дејвидсон кој има Туретов синдром.

Лицата кои имаат Туретов синдром прават неволни тикови, неволно испуштаат звуци, а некогаш и неволно кажуваат навредливи зборови и пцости.

На настанот присуствуваше Џон Дејвидсон кој поради синдромот кажа неколку пцости, како и расистичка навреда насочена кон Мајкл Б. Џордан и Делрој Линдо.

Водителот ја искористи можноста за да ја зголеми свесноста за Туретов синдром и ѝ се заблагодари на публиката за разбирањето.

„Можеби слушнавте навредливи зборови вечерва, но ако сте го изгледале филмот I Swear, тој го покажува искуството на личност со Туретов синдром…

Личноста која има Туретов синдром нема контрола над она што го зборува и се извинуваме ако некој беше навреден“.

Ѕвездите од KPop Demon Hunters имаа одличен настап

KPop Demon Hunters е меѓу најуспешните филмови на Нетфликс, па иако не беше номиниран во ниту една категорија, групата Huntr/x го изведе својот популарен хит Golden.

И, беше еден од најзабавните моменти на настанот.

Пол Мескал беше „искаран“ бидејќи го користеше телефонот

Ирскиот актер Пол Мескал беше фатен како скрола на телефонот, а водителот Алан го искористи моментот за да се пошегува со него.

„Следната награда е за најдобар британски филм, во чест на Александар Корда. Пол, Пол… на телефонот е“, му рече водителот.

Во тој миг Пол погледна кон водителот збунето и потоа срамежливо си го покри лицето.

Принцот Вилијам сподели дека е нервозен среде драмата со апсењето на чичко му Ендру

Минатата недела, принцот Ендру, братот на кралот Чарлс, беше уапсен поради неговата поврзаност со педофилот Џефри Епстин.

На синоќешната церемонија присуствуваа принцот Вилијам и Кејт Мидлтон.

На црвениот тепих, принцот беше прашан дали го изгледал филмот Hamnet. Тој одговори:

„Морам да бидам во смирена состојба за да го изгледам, а моментално не сум“.

Иако не го спомна чичко му, Вилијам изгледаш напнато, а британските медиуми ја поврзуваат неговата изјава со апсењето на Ендру.

Тажната реакција на Леонардо откако изгуби

Леонардо ди Каприо е актер со најмногу номинации за BAFTA – дури седум – но има победено само еднаш, во 2016-та за улогата во The Revenant.

Тој беше номиниран и годинава, но статуетката му ја „украде“ Робер Арамајо.

Кога беше прогласен победникот, актерот само тажно гледаше кон сцената и позираше со палецот нагоре.

Погледнете и: Највпечатливите парови на BAFTA 2026 – Вилијам и Кејт тензични, Кајли Џенер вљубена

Спирова С. | Црнобело