„Најзгодниот затвореник“ за опседнатите обожавателки: „Ми праќаа голи фотки во затвор, поради нив не можев да го видам син ми“

Детали

среда, 25 март 2026

„Добивав можеби 300 писма дневно. Добивав голи фотографии, ми праќаа пари од сите страни. Обожавателките ненајавено доаѓаа да ме посетат во затворот, па не можев да си го видам синот бидејќи ни дозволуваа само две посети неделно“, раскажува Џереми Микс, попознат како „најзгодниот затвореник во светот“.

Џереми Микс, попознат како „најзгодниот затвореник на светот“ стана сензација во 2014 година, кога негова полициска фотка стана вирална.

Фотографијата беше објавена од официјалниот Фејсбук профил на полициската станица со Стоктон, Калифорнија и речиси веднаш почна да се споделува на сите социјални мрежи.

Џереми стана ѕвезда преку ноќ, а фотографијата неретко се споделуваше и со апели да го ослободат бидејќи бил многу згоден.

Од една страна, виралната фотографија му донесе слава на Џереми и можност да си го среди животот. Но, од друга, популарноста значително му го отежнала престојот во затвор.

Во ново интервју, поранешниот затвореник вели дека поради опседнатите обожавателки кои оделе и до затворот за да го видат, му биле забранети посети од семејството, вклучувајќи го ѝ неговиот син.

Тој открива и дека добивал безброј писма, па дури и голи фотки.

„Добивав можеби 300 писма дневно и сето ова беше премногу за мене. Добивав голи фотографии, пари… Ми праќаа пари од сите страни“, споделува Џереми.

Џереми ја отслужи казната во затвор во Сакраменто каде што му биле дозволени максимум две посети неделно.

Но, обожавателките доаѓале ненајавени.

„Во Сакраменто се многу строги, дури и кретени кога се во прашање посетите. Луѓе што не ги познавам доаѓаа да ме посетат и јас ги одбивам уште пред да ме однесат во одделот за посети.

Гледам низ стаклото и велам ’Не знам која е оваа личност‘. Но, чуварите ќе ми речеа дека сепак ќе ми вбројат една посета.

Па, моето семејство не можеше да дојде бидејќи непознати луѓе доаѓаа да ме посетуваат и сето ова ме фрустрираше“.

Тој дури и ги молел фановите да престанат да доаѓаат за да може да си го види синот.

„Тогаш само ќе ми речеа ’Па ние возевме од Тенеси‘. Ќе им кажев дека разбирам и дека им се заблагодарувам, но јас имам петгодишен син и тој не разбира зошто не сум дома и има потреба да ме види.

Па, ги молев да не се враќаат во затворот, туку да ми пишуваат писма“.

Денес синот на Џереми има 15 години, а тој го доби од бракот со медицинската сестра Мелиса Микс, од која се разведе во 2018-та.

Тој доби дете и со наследничката на Topshop, Клои Грин, но веќе не е со неа.

Џереми додава и дека чувствувал љубомора од страна на чуварите во затворот.

„Имаше омраза од чуварите, не од другите затвореници.

Многу бев гневен на чуварите кои ме тепаа и сето ова беше љубомора. Има многу работи што можам да ги кажам“.

Денес Џереми пробува да се држи настрана од криминал и работи како модел. На Инстаграм има 1,5 милиони следбеници и вели дека е задоволен од својот живот.

Спирова С. | Црнобело